Kush është Amiran Zhanashvilin dhe lidhjet e tij me politikën shqiptare

2 Qershor 2015, 19:51, Aktualitet CNA

Prokuroria e Tiranës zgjeron hetimet për Amiran Zhanashvilin.

Sipas dosjes që ka sigurar ABC News, ai rezulton se është aksioner dhe bashkëpronar me biznesmenë shqiptarë të fushës së naftës, medias, përveç firmës së basteve, blerë prej deputetit Mark Froku.

Biznesi i tij, sipas prokurorëve, ka pasur për qëllim pastrimin e parave përmes shitjes dhe blerjes disa herë të aksioneve të kompanive të ndryshëm.

Në këto transferta bankare Zhanashvili ka bashkëpunuar dhe me politikanë shqiptarë.

Bie në sy bashkëpunimi me ish- ministrin e Energjetikës dhe ish- deputetin e LSI, Dritan Prfti, përmes kompanive ?Premier Service? shpk dhe ?DT Premier Partners? shpk.

Milioneri izraelit, i arrestuar në Rumani për prostitucion, rezulton aksioner edhe në disa kompani të tjera të naftës si bashkëpronar apo ortak i vetëm i kompanive ?Tea Oil?, ?Tea construction& petrol?.

Sipas hetuesve, rezulton se nëpërmjet përfaqësuesit të tij në Shqipëri, Amiran Zhanashvili ka kryer transaksione të mëdha bankare me kompanitë e tjera të naftës në Shqipëri, si TPD Trading Petrol& Drilling, Crude Oil Traders e të tjera.

Të gjitha këto transaksione po verifikohen për të parë origjinën e kapitaleve monetare, pasi Drejtoria e Pastrimit të Parave dyshon se shumat që kanë ardhur në Shqipëri apo janë tërhequr nga Amiran Zhanashvili dhe bashkortakët e tij kanë qarkulluar nëpër vende të njohura si parajsa fiskale.

Grupi hetimor po verifikon edhe kontratat e shit-blerjeve pasi hidhen dyshime që janë të falsifikuara.

Dyshime ngrihen pasi datat e firmosjes se tyre nuk korrespondojnë me prezencën e Zhanashvilit në Shqipëri.

Kjo pritet t?i çojë hetuesit edhe tek persona të tjerë, që mund të kenë firmosur në emër të gjeorgjiano- izrealitit.

Në mesin e këtyre shit-blerjeve janë edhe aksionet e kompanisë së basteve apo edhe në blerjen dhe dhurimin e aksioneve të kompanive të drejtuar nga Dritan Prifti.

Në ditët në vazhdim ABC News do të publikojë transaksione të tjera kryer nga kompanitë që drejtohen nga Zhanazhvilli drejt biznesmenëve shqiptarë.