web counter
LEXO PA REKLAMA!

SHKARKO APP

App Store
Google Play

E fundit!

x

Kompania kineze interesohet per investime ne minieren e Trepçes

1 Qershor 2015, 15:55, Ekonomi CNA

Një delegacion i kompanisë kineze ?Citic Heavy Industries co.,LTD?, i shoqëruar nga kryetari i Komunës, Agim Bahtiri, janë takuar sot me menaxhmentin e minierës ?Trepça?, ku kanë biseduar për mundësit e investimeve në këtë minierë. Kryetari i Unionit të bizneseve shqiptare në botë, Elmi Berisha tha se unioni para një jave ka mbajtur kuvendin e 2-të. Sipas tij të gjitha kompanitë e unionit do të aplikojnë për investime dhe do të lobojnë tek donatorët e tjerë që të vijnë dhe të investojnë në Kosovë. ?Jam këtu me përfaqësuesit e dy kompanive kineze nga fusha e minierave dhe mineraleve dhe dy biznesmenë irlandez. Në Mitrovicë kam ardhur sepse e njoh kryetarin Bahtiri dhe e kam mik të mirë, prandaj erdha që të bisedojmë dhe të shqyrtojmë mundësit, nëse mund të bëjmë diçka për Trepçën dhe Mitrovicën menjëherë?, tha Berisha. Menaxheri i Ndërmarrjes Publike ?Trepça?, Ahmet Tmava, tha se Trepça ka çfarë tu ofrojë biznesmenëve të huaj, sepse ka resurse të mëdha, sidomos minierat ku mungon mundësia e revalorizimit të resurseve për shkak se Trepça është kompani nën menaxhimin e AKP-së. ?Ne aktualisht prodhojmë koncentrat si produkt final, në mungesë të kapaciteteve përpunuese që më parë kanë ekzistuar, por që më vonë janë shkatërruar. Aktualisht në kuadër të Trepçës, funksionojnë dy miniera në jug dhe dy në veri, ndërsa ka tri flotacione, që do të thotë se janë mundësit e mëdha për investime?, theksoi Tmava. Mysafirët nga jashtë me këtë rast shprehen interesimin e tyre për kushtet e investimeve në Kosovë, ndërsa më vonë ata vizituan muzeun e kristaleve në Stan Tërg ku mbeten të mahnitur me kristalet e Trepçës.





Lajmet e fundit nga