E fundit!

10:58 Aktualitet

58 operacione, qindra të arrestuar/ Policia e Shtetit në një muaj

Policia e Shtetit ka bërë bliancin e punës për muajin Maj....

Halim Kosova: Nuk i kam ndarë kurrë qytetarët sipas partive, do jem në krahë të secilit për të shërbyer

5 Maj 2015, 11:21, Politikë CNA

Kandidati për kryebashkiak, Halim Kosova takohet me banorët e Ndroqit, të cilët ankohen për mungesën e vëmendjen nga qeveria. Ndroqi qeveriset nga të majtët, por nuk ka marrë asnjë projekt e investim nga qeveria qëndrore

Kandidati për kryetar Bashkie në Tiranë, Halim Kosova u takua me banorë të Ndroqit dhe dëgjoi nga afër shqetësimet e tyre. Banorët ankohen për varfërinë, mungesën e projekteve dhe të vëmendjes nga qeveria.

Kosova tha se: Çdo zonë ka problemet e veta. Diku duhet ndihmuar fermeri, duhet ndihmuar fshatari, që këto që ju prodhoni ti çojmë në Tiranë pa humbur kohë, pa shumë kosto, dhe të arrihet t?ju shpërblehet puna që ju bëni këtu përditë.

?Komuna Ndroq është një Komunë në periferi të Tiranës. Tani me strukturën e re të pushtetit lokal ne kalojmë akoma më në periferi. A premtoni se do të vini përsëri këtu në Komunën e Ndroqit për të diskutuar hallet dhe problemet e shumta që ka kjo Komunë??, pyeti një banor kandidatin Kosova

?Unë kam një plan të perfeksionuar tani se e di çfarë nuk ka shkuar mirë, se si do komunikoj me qytetarët e Tiranës. Ju do më thoni hallet, por të fillojmë nga më kryesoret e të kthejmë besimin. Kthimi i besimit është gjëja më e rëndësishme për momentin?

?Ne kemi shumë probleme por problemi kyç më kryesor është rruga dhe uji i pijshëm dhe treçereku i Ndroqit kanë ullinj, kanë toka, në fshatin tonë ku jetojmë ne, dhe nuk është vënë dorë 25 vjet?, tha një banor.

Halim Kosova u përgjigj se si Kryetari i Bashkisë së Tiranës së nesërme, do të jem njeriu që marr përgjegjësitë për çdo banor të kësaj Tiranë kaq të madhe.

Ndroqi është qeverisur në pushtet lokal prej kohësh nga të majtët. Edhe pse prej dy vitesh edhe në pushtet qendror janë të majtët, banorët thonë se nuk ka asnjë përmirësim në jetën e tyre dhe nuk kanë marrë asnjë ndihmë, apo investim.

?Kemi pushtetin lokal dhe pushtetin qendror që janë po Partia Socialiste . Akoma asnjë ndryshim s?ka pësuar ky fshat . Erdhën me mendimin se do të bënin ndryshime rrënjësore. Populli është shumë i zhgënjyer?, u ankua një banore e Ndroqit.

?Kurrë në jetën time nuk kam pyetur se çfarë partie bën pjesë ti që unë të bëj punën time. Absolutisht. Për mua janë gjithë qytetarët njësoj dhe vij nga një sektor siç është mjekësia, që duhet të jetë normalisht human, dhe që kurrë nuk kam bërë dallime, përkundrazi unë do të jem në krah të secilit për të bërë më të mirën për qytetarin, për këtë zonë që unë do kem në varësi?, deklaroi Halim Kosova.