E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Fahri Balliu, mashtrim 20 mijë euro biznesmenit/ Tani është Rilindas

28 Prill 2015, 07:46, Aktualitet CNA

Një tjetër rast, një tjetër biznesmen viktimë e njeriut që vendoste gjoba dhe rrëmbente c’të mundet dje në kohën e qeverisë të PD dhe sot ne kohen e Rilindjes. Ky është Fahri Balliu, i akuzuar publikisht si ish-bashkëpunëtor i sigurimit të shtetit. Një nga personazhet që në sistemin diktatorial i shërbente organeve sekrete por edhe kastës të lartë, pasi njihet për miqësinë e tij më Hekuran Isain apo dhe vetë Ramiz Alinë.

Nuk hynte dot në parti, pasi organet e sigurimit sa herë Fahriu mbushte kërkesën, donin dokumentin se ai kishte qenë bashkëpunëtor i tyre. Kjo hyrje është pak për këtë individ që në kompleksin e tij ofron filmat horror dhe makabër, ku në fund mbijeton gjithcka e keqe.

Në cityfm.al kemi sjellë me dhjetra raste të një njeriu që adhuron Sali Berishën, por Dashuron Ilir Metën. Që është aq demokrat i madh, sa fijet e tij janë të lidhura me cdo segment krimi të pushtetit të sotëm. Njëriu që nuk foli kurrë për cështjet e krimit të pushtetit, kjo për faktin e vetëm se shumica e tyre janë financuaes dhe miq të Fahriut.

Rasti i vëllait të një biznesmeni është isati në rradhën e atyre që Fahriu ka gënjyer dhe mashtruar. Ne disa shkrime kemi përmendur pronarin e një shoqërie autobuzash, një ndërtues, një tjetër personazh publik dhe kështu me radhë. Kemi treguar sesi shantazhonte ministra, drejtore dhe punonjes te administrates. Në rastin e sotëm është një tjetër biznesmen i cili njihej si mik i Fahriut. Për disa probleme me doganën biznesmeni con vëllain e tij të takojë Balliun në një nga kafet luksoze të Tiranës. Pas takimit Fahriu mer përsipër që do e zgjidhte këtë problem por më parë do interesohej dhe do i kthente përgjigje.

Në mbremje një telefonatë e Fahriut, se problemi do zgjidhej të nesërmen, por duheshin 20 mijë euro për ata të doganës. Vëllai i bizemenit shkon dhe ja con shumën e lekëve të nesërmen në mengjes, me shpresën se problemi që kishte do mbyllej shpejt. Në fakt,sipas dokumentave,problem ishte thjesht një cështje teknike kohe, por bllokimi i ndodhur i sillte jo pak probleme subjektit.

Pasi rrëmbeu tufën e parave, Fahriu largohet me makinën e tij Audi Q7, duke theksuar se do shkonte direkt të takonte personat për këtë problem.

Por në fakt, gjithcka ishte një gënjeshtër dhe mashtrim. Fahriu mbushi xhepin dhe u largua në drejtim të paditur. Deri të nesërmen nuk e hapi më telefonin, vetëm i kthente përgjigje personit të interesuar se gjithcka do mbyllej ishte punë kohe. Më pas telefoni u mbyll, dhe bashkë me të edhe problemi ngeli i hapur edhe lekët ikën.

Kjo është historia më e re e një individi që vendoste gjoba, mashtronte dhe shantazhonte kë të mundej dje. Por cudia më e madhe, është se ky monstër vazhdon të bëjë të njëjtën gjë edhe sot, po ashtu si dje. Dje reklamonte se ishte miku i Saliut, sot shprehet se është vëllai i Ilir Metës dhe ka mbyllur cdo gjë me Ramën. Fahri balliu tani është Rilindas.

Elvi FUNDO