E fundit!

19:08 Aktualitet

Zhvillohet sot protesta e 49-të kundër qeverisë

Këtë të shtunë po zhvillohet protesta qytetare e 49-të...

Dekriminalizimi, PD: Rama-Meta po pengojnë procesin

27 Prill 2015, 19:32, Politikë CNA

Partia Demokratike akuzoi sot dyshen Rama-Meta se po pengojnë procesin e dekreminalizimit të parlamentit. Në një deklaratë per mediat PD pohon se mazhoranca po nxjerr pretekste për të sabotuar procesin.

?Sa më shumë nxjerrin pretekste dhe sabotojnë këtë proces jetik për vendin dhe të ardhmen e tij, aq më shumë vërtetojnë në sytë e publikut se nuk e duan dekriminalizimin, se nuk ndahen dot nga inkriminimi masiv që kanë mbjellë në çdo zyrë e institucion. Pasi kriminalizuan administratën dhe Parlamentin, sot e mbrojnë deri në fund skemën e tyre dhe duke u bërë avokatë të trafikantëve të drogës e të prostitucionit, që i kanë nxjerrë sërish si përfaqësuesit e tyre duke i kandiduar për kryetarë bashkie?, citohet në deklaratën e PD-së.

Teksa është ndalur tek kandidatët me precedentë penal, Partia Demoktratike ka përmendur këtu emrin e kryetarit të bashkisë së Poliçanit, Adriatik Zotka, që sipas saj akuzohet për fshehje pasurie. ?Shqiptarët sot vuajnë për bukën e gojës ndërsa kandidati socialist për Bashkinë e Poliçanit, Adriatik Zotka është kallëzuar penalisht për fshehje të 1.5 milionë eurove. Qytetarët burgosen dhe shtyhen drejt vetëvrasjes për 30 mijë lekë të vjetra ndërsa trafikantët e drogës dhe prostitucionit janë sot kandidatë për kryebashkiakë, si Artur Bushi në Krujë, Ervin Alias, Elvis Roshi në Kavajë e gjetkë. Qytetarët burgosen se lyejnë shtëpitë e tyre ndërsa ministri i Mirëqenies Personale Erjon Veliaj, dhe pse është kallëzuar penalisht, u mor në mbrojtje nga Policia pasi ndërtoi vetë pa leje. Qytetarët po ikin natën, kanë marrë rrugët e eksodit dramatik ngaqë e kanë të pamundur të jetojnë në kushtet e varfërisë e mjerimit, ndërsa qeveritarët s?duan tia dinë të zhytur në luks e në korrupsion galopant.?, bën me dije PD.