web counter
LEXO PA REKLAMA!

SHKARKO APP

App Store
Google Play

E fundit!

x

Larg duart nga universitet!

18 Prill 2015, 15:28, Aktualitet CNA

Nga Artan FUGA

Militantë partish që doni ta bëni universitetin si makinë propagandistike elektorale,

burokratë që u ka hipur në kokë dëshira për të kontrolluar veç sirtaret e tavolinave edhe dijen dhe mësimdhënien, fusha që nuk i merrni vesh fare,

matrapazë të dijes që u shisni qese me erë, dhe letra pa vlerë studentëve, në vend t’u jepni dije,

xhambazë që doni të mbushni xhepat me paditurinë ku lini brezat e shqiptarëve,

të korruptuar dhe hajdutë xhepash që vidhni si korrupsion lekët që familjet shqiptare u japin bijve dhe bijave të tyre për t’u arsimuar, duke shitur provime me lekë,

të paaftë dhe lypsarë partish që doni të shiteni si pedagogë, por që në fakt nuk jeni dhe prishni imazhin e profesoratit të vërtetë,

injorantë dhe mendjemykur që urreni shkollën, shkencën dhe arsimin sepse kurrë nuk keni dëshirë të mësoni dhe as keni mësuar kurrë,

dembelë, parazitë, që fryheni me pasurinë, veturat, postet, dhe që doni të hiqeni si të ditur,

përbuzës të kujtdo të riu a të reje që di shumë më tepër sesa ju, sepse keni frikë prej tyre dhe doni të rrethoheni vetëm nga servila të paditur dhe budallenj,

mashtruesa që nuk ndiqni dijet e sotme dhe shisni myk për dije, e sapun për djathë, duke shpërndarë dije të vjetruara dhe që nuk i duhen as dreqit,

vanitozë që kujtoni se dini gjithçka por në fakt nuk dini asgjë, sepse ora juaj ka mbetur te dyqanet e lotove, butikat, agjencitë ajrore,

LARG DUART NGA UNIVERSITETET !





Lajmet e fundit nga