E fundit!

12:05 Politikë

“Mos më thuaj mua e dashur”/ Debate në komisionin për Reformën Zgjedhore: Je bardh e zi në mendje

Komisioni për Reformën Zgjedhore u shoqërua me debate mes ...

Kapen nga policia 7 persona të shpallur në kërkim

18 Prill 2015, 15:11, Aktualitet CNA

Policia e Shtetit ka arrestuar ditën e sotme 7 persona të shpallur në kërkim. Mësohet se në Tiranë është arrestuar shtetasi Alfred Beqiri, i dënuar më parë me 7 vjet për trafik droge. Ndërkohë në Lezhë është bërë e mundur prangosja e Anton Narkaj i dënuar 6 vjet për vjedhje me armë dhe Nikoll Ndojt për të njëjtën akuzë.

Në Fier është arrestuar Halit Toskaj, i dënuar 2 vjet për armëmbajtje pa leje, kurse në Korçë ka rënë në pranga Sajmir Kasapi, i cili akuzohet për plagosje. Po ashtu është bërë e mundur arrestimi i shtetasit Ferit Ademit, i akuzuar për trafik droge në Morinë. Në Rinas është arrestuar shtetasi me iniciale A.H 20 vjeç, i cili tentoi të trafikojë shtetasen S.D.

Deklarata e plotë e policisë:

? Nga ana e Specialistëve të Seksionit për Narkotikët në Drejtorinë e Policisë së Qarkut Tiranë është bërë kapja dhe ndalimi i shtetasit të shpallur në kërkim:
Alfred Beqiri, 36 vjeç, banues në Domje, sepse Gjykata e Shkallës së Parë për Krime të Rënda, me Vendimit Nr. 08, datë 10.02.2012, e ka dënuar me 7 vjet burg, për veprën penale të ?Trafikut ndërkombëtar të lëndve narkotike , kryer në bashkëpunim?.

? Nga Specialistët e Sektorit për Krimet e Rënda në Drejtorinë e Policisë së Qarkut Lezhë është bërë kapja dhe ndalimi i shtetasit të shpallur në kërkim:
Anton Narkaj, 25 vjeç, banues në Bratosh, Malësi e Madhe, i dënuar me 6 vjet e 8 muaj burg, për vjedhje me armë, pasi ka qenë me leje dhe nuk është kthyer në vendin e vuajtjes së dënimit, në burg në Shënkoll.

? Gjithashtu nga Specialistët e Sektorit Kundër Trafiqeve të Paligjshme në Drejtorinë e Policisë së Qarkut Fier është bërë kapja dhe ndalimi i shtetasit të shpallur në kërkim:
Halit Toska, 29 vjeç, banues në fshatin Suk 2, sepse Gjykata e Apelit Vlorë, me vendim nr. 778, datë 25.11.2014, e ka dënuar me 2 vjet burg, për veprën penale ?Prodhimi dhe mbajtja pa leje e armëve luftarake dhe e municionit?.

? Nga Specialistët e Seksioni Kundër Krimeve ndaj personit në Drejtorinë e Policisë së Qarkut Korçë, është bërë kapja dhe ndalimi i shtetasit të shpallur në kërkim Saimir Kasapi, 26 vjeç, banues në fshatin Potgorie, sepse Gjykata e Rrethit Gjyqësor Korçë, me vendim nr. 137, datë 17.04.2015, ka caktuar masën e sigurisë ?Arrest në burg?, për veprën penale ?Plagosja e rëndë?.

? Nga Specialistët e për Krimet në Komisariatin e Policisë Lezhë , u bë kapja dhe ndalimi i shtetasit të shpallur në kërkim:
Nikoll Ndoj, 45 vjeç, banues në Zejmen, pasi Gjykata e Rrethit Gjyqësor me vendim nr. 150, datë 16.04.2015, ka caktuar masën e sigurisë ?Arrest në burg?, për veprën penale ?Vjedhja?.

? Gjithashtu nga Shërbimet e Policisë Kufitare në SPKM Morinë në hyrje, u kap shtetasi kosovar në kërkim ndërkombëtar Ferid Ademi, 45 vjeç, banues në Drenas, sepse Gjykata e Suboticës në Serbi, me vendim nr. 106/04, datë 07.02.2005, ka dhënë masën ?Arrest në burg?, për veprën penale të ?Prodhimit e trafikimit të lëndëve narkotike?.

? Nga shërbimet e Policisë Kufitare në Aeroportin Rinas në hyrje, u kap shtetasja në kërkim A. H. 20 vjeç, banuese në Berat, për të cilën ka bërë denoncim shtetsja me iniciale S. D, se më datë 14.04.2015, ka tentuar ta trafikojë jashtë shtetit për prostitucion.