web counter
LEXO PA REKLAMA!

SHKARKO APP

App Store
Google Play

Perlat e natyrës shqiptare/ Ujvarat e Sotirës destinacion që nuk duhet humbur

17 Prill 2015, 11:07, Aktualitet CNA

Turistë vendas e të huaj kanë nisur të eksplorojnë një nga perlat e natyrës shqiptare, sic janë Ujvarat e Sotirës. Ajo ndodhet rreth 16 kilometra larg Gramshit dhe për të arritur në zonën e Ujëvarës duhet të ecësh më pak se një orë. Emrin Sotirë e ka marrë nga fshati ku edhe ndodhet ujëvara, që dikur ka qenë me 120 shtëpi, ndërsa sot vetëm 20 prej tyre janë të banueshme.

Ujëvara me një lartësi gati 100 metra, qe buron nga mali i Tomorit, me bukurinë e saj mahnitëse ka bere te mundur qe te mos ngelet vetëm e banoreve te zonës, por te sjelle edhe vizitore te shumte nga e gjithë Shqipëria.

Sotira është unike në llojin e saj dhe ajo që e bën të veçantë është mënyra e daljes së ujit nga lartësi të ndryshme. Janë tre burime ujore që dalin në trajtë çurgjesh nga lartësi të mëdha në  shkëmbinjë  gëlqeror.  Peizazhi i shpatit ku uji del, në mes të pyjeve e pemëve të lisit, është i mrekullueshëm  në një tokë përherë të gjelbëruar.

Por, në këtë zonë nuk është vetëm kjo ujëvarë, aty është kanioni i Holtës i formuar me kalimin e kohës, përmes procesit të erozionit për shkak të lumit Holtë. Kanioni është i përbërë nga shpella të shumta që ende nuk janë eksploruar nga udhëtarët aventurierë.  Liqeni i Zi është një tjetër destinacion për t?u vizituar. Ai është krijuar nga akujt dhe klima është malore. Liqeni rrethohet nga malet me pisha duke i dhënë atij një pamje madhështore.

Për shkak të mineraleve të shumta që ka nën të, ai ofron veti kuruese sidomos në javët e para të muajit gusht. Në këtë periudhë, numri i vizitorëve rritet mjaftueshëm. Ndërsa Grabova njihet për historinë e saj e cila përfshin lidhjet mes të dy perandorive, romake dhe bizantine. Zona është e njohur për bukurinë, duke përfshirë peizazhin malor, kishat e lashta, urat shekullore etj.





Lajmet e fundit nga