Dieta që lufton dhimbjen e kokës dhe migrenën

17 Prill 2015, 10:00, Lifestyle CNA

Dhimbja e kokës është shumë sfilitëse për shumë njerëz.

Sot 20 % e femrave në botë vuajnë nga migrena.

Është i padurueshëm pulsimi i dhimbshëm i kokës që të prish të gjitha planet dhe humorin.

Por mos u mërzisni.

Studiuesit kanë zbuluar se edhe përmes dietës mund të kurohet dhimbja e kokës dhe migrena në përgjithësi.

Më poshtë po ju sjellim një listë të produkteve që duhet ti pakësoni apo mënjanoni nga dieta juaj, nëse doni të luftoni shqetësimet tuaja me dhimbjen e kokës:

– Ushqimet e kripura apo marinuara: Këto lloj ushqimesh duhet ti pakësoni nga dieta juaj, pasi vetëm përkeqësojnë situatën me migrenën

– Çaji i zi, kafeja, kakao, pijet energjike: Të gjitha këto pije kanë kafeinë në përbërjen e tyre. Megjithëse në dozë të vogël, ato nuk janë të dëmshme, nëse teprohet ato stimulojnë dhimbjen e kokës dhe migrenën.

– Djathi i vjetërsuar: Megjithëse shumë të shijshme, djathërat e vjetërsuar si tipi i parmeggiano apo mozzarela, janë të pasura me tiramin dhe monoamin, përbërës këta që stimulojnë migrenën.

– Proshuta, sallami dhe salsiçet: Në përgjithësi për përgatitjen e këtyre produkteve përdoren shumë lloj konservantësh, të cilat siç ndikojnë keq në gjithë shëndetin tuaj, kanë ndikim negativ edhe për migrenën.

– Qepa: Duhet treguar shumë kujdes me qepën, pasi ajo ndikon negativisht tek personat që vuajnë nga migrena. Kufizojeni atë në rastet kur vërtetë është e domosdoshme por mos e teproni me të.

– Çokollata dhe ëmbëlsirat: Çokollata ka në përbërjen e vet kafeinë, që stimulon migrenën. Ndërsa ëmbëlsirat në përgjithësi kanë nivel shumë të lartë sheqeri ose aspartma, zëvendësuesi i sheqerit, produkte këto që duhen eliminuar.

Por nëse nuk i shmangesh dot një copëze ëmbëlsire, atëherë zgjidh çokollatën e zezë.

– Alkooli: Pijet alkoolike si vera, shampanja, birra, vodka etj.,rrisin shpejtësinë e qarkullimit të gjakut duke ndikuar drejtpërdrejtë në stimulimin e dhimbjes së kokës.

Citruset: Portokallet, mandarinat dhe limonët janë shumë të mira për organizmin por nga ana tjetër nëse me to teprohet, ato stimulojnë migrenën dhe dhimbjen e kokës, për shkak të përmbajtjes së lartë të aminoacideve.

Prandaj kontrollojeni dhe kufizojeni konsumimin e tyre.

Ndërkohë produktet që kurojnë migrenën janë:

– Qumështi dhe gjiza pa yndyrë

– Peshku

– Patatet

– Frutat e freskëta si: ananasi, avakado, bananet, molla etj

– Frutat e pyllit, të tilla si: luleshtrydhet, boronica, manaferrat etj

– Perimet e gjelbra dhe jeshillëqet, si: spinaqi ,bizelet, brokoli, lulelakra etj

– Perimet e freskëta të stinës, si: domatet, kastraveci, kërpudhat, specat etj.

– Fasulet me ngjyra

– Thjerrëzat

– Frutat e thata dhe arrat