web counter
LEXO PA REKLAMA!

SHKARKO APP

App Store
Google Play

Rama: Shqipëria mundësi për investitorët e huaj

14 Prill 2015, 11:10, Politikë CNA

Kryeministri Edi Rama zhvilloi një vizitë zyrtare në Emiratet e Bashkuara Arabe, ku u prit nga personalitetet më të larta të vendit. Rama shoqërohej në këtë vizitë nga ministrat Bushati, Ahmetaj e Tahiri. Gjatë kësaj vizite delegacioni shqiptar u ftua në Forumin e Investimeve, organizuar nga Dhoma e Tregtisë e Abu Dhabit, në bashkëpunim me Ministrinë e Ekonomisë dhe Energjisë së Emirateve.

Në këtë aktivitet ishin pjesëmarrës investitorë nga fusha të ndryshme si tregtia, turizmi, transporti, bujqësia etj. Në fjalën e tij Rama foli për Shqipërinë, vendin e mundësive për investitorët e huaj. Sipas kryeministrit ndërsa Shqipëria është në rrugën drejt BE-së, qeveria po fokusohet në ngritjen e një modeli te ri ekonomik.

“Ne jemi shumë të interesuar për ti zhvilluar më tej marrëdhëniet në fusha të ndryshme si energjia, burimet hidrike. Për ne është po ashtu me shumë interes eksplorimi i mundësive për bashkëpunim në sektorin e përpunimit të ujit të pijshëm, për të cilin vendi ynë është shumë i pasur dhe me cilësi shumë të mira. Po ashtu, ne jemi shumë të interesuar për të tërhequr investitorë të huaj direkt në turizëm?, u shpreh Rama.





Lajmet e fundit nga