web counter
LEXO PA REKLAMA!

SHKARKO APP

App Store
Google Play

E fundit!

x

Mediat serbe: Rama provokon sërish, përmend bashkimin me Kosovën

7 Prill 2015, 10:53, Aktualitet CNA

Kryeministri Edi Rama është sërish në qendër të mediave serbe. Kësaj here referuar një deklarate vetëm para pak ditësh në Mal të Zi gjatë një interviste për një nga mediat kosovare, ku Rama paralajmëroi se Shqipëria dhe Kosova të bashkohen në mënyrë klasike në qoftë se BE-ja nuk e hap rrugën për integrimin e Kosovës.

Sipas mediave serbe, Rama ka thënë se bashkimi i Kosovës dhe Shqipërisë i ka dy mundësi dhe kjo varet prej BE-së.

?I pari është bashkimi në Unionin Evropian, megjithatë nëse BE-ja vazhdon të mbyllë dyert për integrimin e Kosovës, atëherë të dy vendet do të jenë të detyruara të bashkohen në mënyrë klasike?, citohet të ketë thënë Kryeministri shqiptar.

Mediat serbe gjithashtu shtojnë se ?Rama tha se të dy vendet janë të angazhuara për bashkim përmes anëtarësimit në Bashkimin Evropian?.

Në përgjigje të deklaratës së Kryeministrit të Shqipërisë, kryeministri serb Aleksandar Vuçiç është shprehur se Kosova dhe Shqipëria kurrë nuk do të bashkohen.

?Unë i premtoj kryeministrit Rama Kosova dhe Shqipëria, siç thotë ai, nuk do te bashkohen kurre në një mënyrë klasike! Ju lutem udheheqësve shqiptarë të ndalojnë provokimet e mëtejshme për destabilitet në rajon? shkruan Vuçiç në twitter.





Lajmet e fundit nga