E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Mësuesit përzgjedhin tekstet shkollore

4 Prill 2015, 13:41, Sociale CNA

Nxënësit këtë vit shkollor nuk do të kenë më shumë se dy lloje të ndryshme tekstesh, duke ua lënë në dorë mësuesve përzgjedhjen e tyre. Në këtë mënyrë synohet të shkohet drejt një teksti të vetëm. Ndërkohë, ditën e hënë do të bëhet përpunimi i të dhënave dhe gjatë javës do të shpallen edhe librat fitues.

Nga procesi i përzgjedhjes së librave, përjashtohen klasat e para dhe të gjashta, për shkak se përdorin kurrikula të reja dhe punojnë me një tekst të vetëm për çdo lëndë. Ndërkohë, pas fazës së parë, që ka të bëjë me përzgjedhjen e teksteve, nis faza e dytë. Në këtë fazë do të bisedohet me grupet e interesit, që janë shtëpitë botuese, ku do të merret edhe mendimi i tyre në lidhje me librin e përzgjedhur.

Sipas këtij udhëzimi, ky proces ka nisur që tani me qëllimin që edhe shtëpitë botuese të kenë kohë për të përgatitur librin, si dhe teksti të shkojë drejt unifikimit. Ndërkaq, që në fillim të vitit shkollor, çdo prind nënshkruan tekstet e fëmijës së tij, domethënë që është dakord me këtë përzgjedhje. Formati i ri që do të futet në shkolla me hyrjen në fuqi të ligjit për arsimin parauniversitar, bën që mësuesit të mos fshihen pas gishtit, por të marrin përgjegjësi, duke thënë që kam zgjedhur këtë tekst për këto arsye.

Tashmë ministria nuk e ka më monopol përzgjedhjen e teksteve. Ajo ua jep shtëpive botuese, të cilat në garë me njëra-tjetrën çojnë drejt titullit më të mire. Ndërkaq, përzgjedhja quhet ??përzgjedhje e tekstit shkollor më cilësor për vitin 2015-2016?.

Mësuesit në partneritet me prindërit bëjnë zgjedhjen e tekstit dhe kjo zgjedhje çon që ministria të vendosë për një tekst, duke mënjanuar kakofoninë e shumë teksteve për të njëjtën klasë. Përpos kësaj, mësuesit të cilët ishin autorë apo bashkautorë tekstesh nuk u lejuan që të plotësojnë formularin për tekstet e tyre. Ata e plotësuan formularin vetëm për tekstet e tjera shkollore që përdorin në punën e tyre.

Në Ministrinë e Arsimit do të ngrihet komisioni për administrimin e dokumentacionit, i cili do të marrë në shqyrtim materialet e DAR/ZA. Pas kësaj do të plotësohet tabela përfundimtare, e cila më pas do t?i dorëzohet ministres së Arsimit. Të gjitha materialet duhet të ruhen për një vit.