web counter
LEXO PA REKLAMA!

SHKARKO APP

App Store
Google Play

E fundit!

x

Nishani-Ivanov: Të nxisim bashkëpunimin ekonomik mes dy vendeve

2 Prill 2015, 10:50, Politikë CNA

Presidenti i Republikës, Bujar Nishani, gjatë konferencës së përbashkët për shtyp me presidentin maqedonas, Gjorge Ivanov vuri në dukje marrëdhëniet shumë të mira me Maqedoninë, ndërsa theksoi nevojën që ato të ngrihen në një stad më të lartë, sidomos në aspektin ekonomik.

?Për Shqipërinë Maqedonia është një vend fqinj shumë i rëndësishëm, me të cilin kemi marrëdhënie të fqinjësisë së mirë dhe shumë dinamike; është një vend me të cilin ndajmë jo vetëm një pjesë të kufirit shtetëror, por dhe marrëdhënie të shumëfishta politike, strukturore dhe ekonomike. Shqipëria ka qënë ndër të parat që e njohu pavarësinë e Maqedonisë në vitin 1993 dhe marrëdhëniet mes dy vendeve në këto 22 vjet kanë evoluar në mënyrë pozitive. Është me rëndësi që ky trend pozitiv të ruhet e përmirësohet gjithnjë e më shumë në dobi të qytetarëve tanë, por dhe në funksion të stabilitetit në rajon?, u shpreh Presidenti Nishani në konferencën e  përbashkët për shtyp me homologun maqedonas.

Kreu i shtetit shqiptar vlerësoi se anëtarësimi në BE e NATO është interesi i përbashkët strategjik i dy  vendeve, ndërsa theksoi se Shqipëria mirëpret anëtarësimin e Maqedonisë në Aleancë.

Duke u ndalur tek situata e popullsisë shqiptare në Maqedoni dhe ajo e pakicave maqedone në Shqipëri, Nishani vlerësoi se ato duhet të jenë ura komunikimi në bashkëpunimin mes dy vendeve.
Kreu i shtetit theksoi se të drejtat e shqiptarëve në Mqedoni janë të lidhura ngushtë me zbatimin e Marrëveshjes së Ohrit, e cila duhet të zbatohet sa më parë dhe e plotë në të gjithë elementët e saj.
Presidenti Gjorge Ivanov po zhvillon sot një vizitë zyrtare në Tiranë, ku do të takohet dhe me kryetarin e Kuvendit, Ilir Meta dhe kryeministrin Edi Rama.





Lajmet e fundit nga