E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Berisha: Kërkesa për arrestimin Doshi - Frroku, kronikë e një ngjarje të paralajmëruar dhe përpjekje për të larë fytyrën e nxirë të Metës

20 Mars 2015, 21:35, Aktualitet CNA

Nga intervista e dhënë për televizionin Klan!

Pyetje: Zoti Berisha pak minuta më parë Prokuroria i është drejtuar me një kërkesë Parlamentit për të arrestuar deputetin Mark Frroku dheTom Doshi për akuza të rreme. Keni një koment për këtë?

“Është një kronikë e një ngjarje të paralajmëruar. Së pari, dua të theksoj këtu se as njëri as tjetri nuk kanë dhe nuk mund të kenë mbështetjen e Sali Berishës sepse jam unë që Doshin, më shumë se një herë kam kërkuar që agjencitë ta çojnë për ndjekje penale kurse Frroku përbën simbolin e krimit evident në Parlament.

Duke thënë këtë, më duhet të them se ky arrestim është një përpjekje për të larë fytyrën e nxirë të Ilir Metës dhe është paralajmëruar me kohë si një skenar nga krerët e ekzekutivit dhe Parlamentit. Kjo në rast se bëhet për të mbyllur gojën në këtë aferë Doshit apo Bamit pa hetimin e plotë dhe të gjithanshëm dhe pa hetimin e Ilir Metës bën efekt boomerang të kundërt dhe faktikisht hedh në erë një proces më të rëndësishëm të hetimit për akuzën më të rëndë të 24 viteve.

Pra, deri tani jemi100 % në skenarin e qeverisë. Të shohim etapa të tjera, ne vazhdojmë në bindjen tonë më të thellë se interesi i vendit, interesat e mëdha të vendit dhe të shoqërisë janë hetimi i plotë dhe i gjithanshëm, dorëheqja e Ilir Metës, i cili përeveç akuzave të këtyre mund t?i nënshtrohet të njëjtit proces për shpifje dhe trillimet e tij që ka bërë për llogari të opozitës. Se jemi në një proces universal shpifjesh dhe trillimesh. Nuk shpifi dhe trilloi Ilir Meta tek familjarët e Fufit? Apo po shpifi një deputet ka një metër, po shpifi kryetari i Parlamentit ka një dekoratë!? Ndaj dhe dua të them se deri tani asgjë nuk flet për një hetim të pavarur, të plotë dhe të gjithanshëm, për çka ne qendrojmë në mënyrën më të vendosur. Por jam i bindur se komuniteti ndërkombëtar pret vendosmërisht një hetim të plotë dhe të pavarur. Hetim të plotë dhe të pavarur, me numrin dy të shtetit të akuzuar, nuk lë vendin vakant apo nuk jep dorëheqjen, nuk ka dhe nuk mund të ketë.

Ky është një proces i gjerë në të cilin ne jemi të prirur të japim çdo lloj kontributi por fatkeqësisht deri tani kryekëput zhvillohet sipas paralajmërimit të qeverisë. E vetmja gjë, që nuk po del është se nuk del Durim Bami aktor, por del fajtor.

Thirrja ime ndaj qeverisë, ndaj prokurorisë, është që të kërkohen ekspertë ndërkombëtarë. Unë mund t?u them shqiptarëve se ekspertë ndërkombëtarë kanë kërkuar në raste të caktuara, ose janë shprehur se do kërkojnë, kryeministra të vendeve me një traditë shumë të gjatë demokratike. Dhe një herë dua të theksoj se ky hetim është shumë i rëndësishëm dhe ideja se mund të lajnë duart me këto akuza, pa një hetim të gjithëanshëm, të plotë dhe të besueshëm publikisht. Edhe dje e theksova se, kur një problem i tille del në SHBA, u garantoj se prokurori i përgjithshëm i SHBA mund ta bëj hetimin në mënyrën më të plotë por nuk e bën sepse do perceptimin e publikut. Ndaj dhe ngarkohet një i vëçantë, me ligj, me ekip, me buxhet. Ne po themi që të vijnë ekspertë ndërkombëtarë. Shqipëria ka praktikë për ekspertë ndërkombëtarë. Kanë ardhur në rastin e dosjes Hajdari. Është dosje shumë e rëndë kjo. Fakti që Ilir Meta zgjedh të mos japi dorëheqjen tregon se në çdo qelizë të tij ka frikë se është i përfshirë. Çdo njëri i paimplikuar, aktin e parë bën dorëheqjen dhe pas qartësimit jo vetëm që fiton të gjitha ato çka i takojnë por kërkon edhe qëndrimin ndaj atyre të cilët u përpoqën ta damkosin dhe ta nxijnë e ta implikojnë në gjëra të paqëna”.