E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Veliaj: Grida me zell për të dhunuar e shkretuar familje

15 Nëntor 2014, 23:00, Politikë CNA

Ministri i Mirëqënies Sociale, Erion Veliaj, ka reaguar ndaj akuzave të vazhdueshme të Partisë Demokratike nëpërmjet Grida Dumës, në drejtim të tij. Pervec qendrimit publik nga Veliaj bie ne sy eshte nje sulm tjeter ne rrjetet sociale. Cdo shkrim apo koment i bere ne media per Grida Dumen eshte ne reklamim, ose versionin promote, qe FB e ka si reklame me leke dhe me pas materialin e perzgjedhur e shperndan ne mijera perdorues te FB. Prej disa oresh shkrimet per Griden dalin cdo cast tek perdoruesit e FB dhe menjehere pas ketij veprimi Veliaj qe duket se nuk ka duruar me teper ka bere edhe reagimin publik.

Ai ka thënë se akuzat janë shpifje e pastër dhe për këtë arsye ka ftuar prokurorinë që të hetojë.

Veliaj thotë se Grida Duma kërkon të shkatërrojë familjen e tij me akuza, ashtu siç është mësuar të shkatërrojë edhe familje të tjera.

?Të nderuar miq.

E ndiej me vend të bej një sqarim publik, si dhe nje apel organeve ligj-zbatuese për të hetuar të gjithë baltën e shpifjeve nga zëdhënësja e PD, zj.Grida Duma.

Prej javesh jam vendosur në shënjestër të akuzave sistematike të Partise Demokratike në lidhje me organizme si ai i vizitës së Papes e të tjera, ku as unë e as MMSR nuk jemi angazhuar, as në organizime e as në prokurime të këtyre shërbimeve. Baltosja e atij aktiviteti dhe ngatërrimi me dashje i organizatorëve, është mashtrim ? i ngjashëm me të tjera mashtrime për të cilat znj. Duma tashmë është dënuar nga gjykatat e Republikës tonë, e për të cilat po verpon përmbarimi.

E ftoj policinë, prokurorinë, KLSH, ILDKP dhe gjykatat e vendit, të ushtrojnë gjithë autoritetin e kompetencat, si dhe ofrojë disponibilitetin tim maksimal në çdo kohë, për t?u përballuar me çdo pretendim të saj e PD.

Në aktivitetin tim si ministër jam përfshirë në reforma jo të lehta si ajo e pensioneve, shkollave profesionale, ndihmës ekonomike, personat me aftërsi të kufizuara, Zyrat e Punes apo të përndjekurit. Reformat nuk janë perfekte, por janë jetike dhe prekin jetët e rreth 2milionë shqiptarëve. Është habi se si PD nuk ka asnjë reagim ose alternativë më të mirë për këto reforma ? si një parti që synon të vijë në pushtet duke pretenduar se mund t?i bëjë më mirë këto pune. Përkundrazi, baltë e shpifje non-stop si e vetmja alternativë e demokrateve a thua se nesër do paguajë pensionet apo të përndjekurit me kilet e vrerit.

Kolegët e saj zgërdhihen e shkurajnë ?IT?S POLITICS?! Po pse, kjo është politika? Unë i kuptoj ethet e Grides për t?u afirmuar në një parti që as e voton e as e duron, por nuk do bëhet më e dashur pa folur më parë se ç?alternativë ka ajo për PD apo për këto shtresa që duan zgjidhje e jo llucë nga goja.

Së fundi, por jo më pak i rëndësishëm është sulmi ndaj familjes së kundeështarëve. Nëse një familjar imi ka shkelur ligjin e ftoj Gridën t?i çojë në prokurori një orë e më parë e secili të marrë dënimin sipas ligjit. Por, të shpifësh për njerëz që nuk merren me politikë, por kanë taksiratin e vetëm që janë familja ime, kjo është më shumë se e ulët.

Zelli i Gridës për të dhunuar e shkretuar shumë familje shqiptare është tashme një ?sekret publik? në vendin tonë të vogël, por siç është dëshmuar publikisht, në asnjë debat e ballafaqim me të nuk kam ngatërruar idetë se si zgjidhen problemet e vendit me galopin e saj se si shkatërrohen familjet e vendit. Me sens etik i kam mbajtur të ndara betejat tona politike, nga tollovia e saj private.

Por kjo nuk do të thotë se do lejoj Gridën të shkatërrojë edhe familjen time në këtë pasion të saj të pafrenueshëm ku mendon se ka gjetur prenë e radhës. Përkundrazi, do angazhohem sa të mundem që asnjë familje tjetër t?mos e ketë më në qafë këtë mallkim nga politika, që për karrierë dhunon çdo gjë të shenjtë.

Ndaj e pres atë dhe këdo nga SHQUP në prokurori për çdo shkelje që pretendojnë, në debat për çdo zgjidhje konkrete që ofrojnë, e në parlament për çdo alternativë që sjellin. Kjo është politika?, thotë Veliaj në reagimim e tij.