web counter
LEXO PA REKLAMA!

SHKARKO APP

App Store
Google Play

E fundit!

x

Ja axhenda e kryeministrit Rama në Serbi

7 Nëntor 2014, 23:00, Politikë CNA

Axhenda e kryeministrit Edi Rama për vizitën e tij në Serbi deri më tani ka qenë mister, deri dy ditë para vizitës së tij.

Kjo, pas tensionimit të situatës së pasojë e dhunë së shpërthyer në ndeshjen Serbi-Shqipëri të luajtur në Beograd.

Por, tashmë axhenda është zbardhur.

ABC News, që ka siguruar këtë axhendë, thotë se kryeministri Edi Rama nuk do të takohet me presidentin serb, Tomisllav Nikoliç, gjatë vizitës në Beograd.

Ndërkohë, pavarësisht kundërshtive të palës serbe, kryeministri Edi Rama do të shkojë në Luginën e Preshevës, ku do të takohet me shqiptarët e këtij rajoni.

Kështu, më 10 nëntor, takimi kokë më kokë me homologun Aleksandër Vuçiç, do mbahet në orën 11.00 dhe pas 20 minutash zhvillohet takimi i dy delegacioneve.

Në orën 12.30 do të mbahet konferenca për shtyp e dy kryeministrave.

Ndërsa në orën 16.00 shefi i qeverisë shqiptare do të takohet me gazetarët në hotelin ku do të qëndrojë delegacioni shqiptar.

Një orë më pas do të jetë i pranishëm në forumin e biznesit serbo-shqiptar dhe në orën 18.00 do të zhvillohet takimi në Bashkinë e Beogradit.

Axhenda e ditës së parë përfundon këtu, ndërsa të martën nisja për në Preshevë e delegacionit shqiptar do të bëhet në 5.00 të mëngjesit.

Takimi me kryetarin e komunës është i parashikuar në orën 11.00.





Lajmet e fundit nga