E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Zv. Ambasadori amerikan në Tiranë Henry Jardine: Gjyqtarët e korupptuar të shkojnë në burg

5 Tetor 2014, 22:00, Politikë CNA

Zv. Ambasadori amerikan në Tiranë Henry Jardine ka drejtuar një apel për të ndëshkuar me burg gjyqtarët e korruptuar. Deklarata është bërë në tryezën e organizuar nga Presidenti Bujar Nishani në lidhje me reformën në drejtësi, ku të pranishëm ishin drejtuesit më të lartë të institucioneve të shtetit, sistemit të drejtësisë etj.

?Ka gjyqtarë të mirë, të ndershëm atje jashtë, por ata që nuk janë të ndershëm, apo që janë të korruptuar duhet të ekspozohen dhe të ndëshkohen për sjelljen e tyre joetike apo të korruptuar dhe disa duhet të shkojnë në burg.

Ka prokurorë dhe avokatë mbrojtës të ndershëm; ka punonjës të shërbimit civil që janë të përkushtuar dhe punojnë brenda sektorit gjyqësor.

Ka shumë shqiptarë që ia kanë përkushtuar jetën e tyre realizimit të një vendi më të drejtë. Ndaj, duhet bërë kujdes që ndryshimi të vihet në zbatim në mënyrë të tillë që ndërton mbi të mirat që ekzistojnë dhe që ndërton mbi ndryshimet që kanë ndodhur në historinë paskomuniste të Shqipërisë?, u shpreh Henry Jardine, i Ngarkuari me punë të SHBA në vendin tonë.

Referuar tryezës, Jardine theksoi se prania e të gjithëve këtu, tregon rëndësinë e çështjes që diskutohet, pra përkufizimi i elementëve dhe procesit të nevojshëm për një reformë gjyqësore tërësore e përfshirëse në Shqipëri.

?Edhe pjesëmarrja e zyrtarëve të lartë dhe zyrave përkatëse sot është për t?u përgëzuar dhe pasqyron ndërgjegjësimin e gjerë që reforma gjyqësore është kritike për zhvillimin e vazhduar demokratik të Shqipërisë.

Reforma gjyqësore është një prej kërkesave për standardet e bazuara në performancë për anëtarësim në Bashkimin Europian. Detyrimet e Shqipërisë në këtë drejtim janë përcaktuar qartë në Udhërrëfyesin për në BE.

Megjithatë, ky është një koncept shumë më i thellë dhe më i gjithanshëm; nuk është thjesht çështje e përmbushjes së një parakushti të jashtëm. Reforma gjyqësore nuk është thjesht një kërkesë që Shqipëria të hapë negociatat e anëtarësimit në Bashkimin Europian?, tha Jardine.

Sipas tij, arritja e reformës gjyqësore është jetësore për të ardhmen e Shqipërisë; vetëm nëpërmjet një procesi përfshirës, të besueshëm, jopolitik ju do mund të çoni përpara dhe të përmirësoni mirëqenien afatgjatë të popullit shqiptar.

?Pa dyshim, shumë njerëz që merren me sistemin e drejtësisë këtu në Shqipëri ? gjyqtarë, prokurorë, avokatë mbrojtës dhe qytetarë ? besojnë se sistemi i tanishëm nuk ecën sipas ritmit të nevojave të vendit.

Megjithatë, në të njëjtën kohë, duhet të bëjmë kujdes të mos futim në të njëjtin grup të gjithë individët që punojnë në sistemin e Shqipërisë.

E nxisim fort qeverinë të punojë ngushtë me Bashkimin Europian për t?u siguruar që Udhërrëfyesi të ndiqet në çdo gërmë.

Në këtë proces, roli i Komisionit të Venecias do të jetë jetësor dhe zyrtarët e qeverisë dhe deputetët po ashtu duhet të peshojnë me kujdes këshillat eksperte që mund të ofrojë ai.

Dëshirojmë të shohim që partitë politike të bëhen bashkë për të lënë mënjanë mosmarrëveshjet partiake; të punojnë ? jo për avantazhe politike ? por për interesin e qytetarëve shqiptarë. Megjithatë, pjesë e këtij diskutimi nuk duhet të jenë vetëm figurat politike por edhe shoqëria civile.

Kur flas për një proces përfshirës, nuk e kam fjalën që të shihet i përkufizuar sipas linjave partiake ? por një proces përfshirës i interesave të ndërthurjes më të gjerë të bashkësisë Shqiptare. Interesat e ngushta, politike të cave nuk duhet të shërbejnë për të bllokuar apo shtrembëruar përpjekjet për të arritur reformën e nevojshme gjyqësore që do të ishte në të mirën e të gjithë vendit?, tha ai.

Në vijim diplomati amerikan vuri theksin tek disa parime drejtuese bazë për ecjen përpara të procesit të reformës, të tilla si: të jetë tërësor dhe përfshirës; që udhërrëfyesi i BE-së të shërbejë si drejtuesi kryesor; që të merret mendimi i Komisionit të Venecias; që të kryhen konsultime me të gjithë aktorët përkatës, përfshirë shoqërinë civile; që procesi të kryhet në përputhje me nevojat e qytetarëve të Shqipërisë dhe të mos politizohet.