web counter
LEXO PA REKLAMA!

SHKARKO APP

App Store
Google Play

Kuvendi i PD, votojnë 60% e anëtarëve

27 Shtator 2014, 22:00, Politikë CNA

Në votimin për zgjedhjen e anëtarëve të Këshillit Kombëtar të PD kanë votuar rreth 60 % e delegatëve nga 7500 që kishin të drejtën e votës.

I fundit që ka votuar për zgjedhjen e anëtarëve të Këshillit Kombëtar ishte ish-Kryeministri Sali Berisha.

Përgjatë punimeve të Kuvendit dje dhe sot, kanë mbajtur fjalimet drejtues të PD, dhe kryetarë të kësaj force politike në rrethe.

Në ditën e dytë të Kuvendit Kombëtar të Partisë Demokratike kanë votuar pjesa e delegatëve të cilët nuk votuan dje, për të zgjedhur emrat e një numri të madh funksionarësh të Partisë Demokratike, duke nisur nga sekretari i përgjithshëm dhe sekretarët funksionalë, deri tek drejtuesit e departamenteve, përgjegjës për përgatitjen e platformave politike në PD, përfshi këtu edhe programin qeverisës dhe elektoral të partisë.

Pas mbylljes së procesit të votimit, pritet që të nisë edhe procesi i numërimit të votave në orën 20:00 nga ku do të dalë edhe Kuvendi i ri i Partisë Demokratike.

Gjatë ditës së shtunë në konventën e mbledhur për të miratuar ndryshimin e statutit të Partisë Demokratike si edhe për zgjedhjen e Kuvendit të ri Kombëtar të PD-së, kanë votuar pjesa më e madhe e 7500 delegatëve. Sipas ndryshimeve të bëra, në këtë Këshill pritet që të jenë rreth 300 anëtarë.

Në ditën e parë të Kuvendit u mbajtën fjalimet kryesore nga kryetari aktual i PD Lulzim Basha dhe ish-kreu i saj Sali Berisha. Po kështu dje u miratuan ndryshimet në statut si dhe u votua për 150 vende në Kuvend.

Në fjalën e tij, Basha u kërkoi ndjesë anëtarëve të kësaj partie por edhe qytetarëve për gabimet që u bënë gjatë qeverisjes ?Berisha?, duke u shprehur se në mandatin e dytë qeverisës të së djathtës, shumë nga të zgjedhurit e Partise Demokratike u bënin sehir halleve të qytetarëve nga xhamat e zinj të makinave të tyre duke krijuar kësisoj distancën që solli rënien e së djathtës nga pushteti qeverisës.





Lajmet e fundit nga