E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Gjosha: Këshilli Kombëtar i Integrimit edhe pa opozitën

11 Shtator 2014, 21:23, Politikë CNA

Këshilli Kombëtar i Integrimit Europian do të funksionojë pavarësisht pjesëmarrjes së opozitës, deklaroi sot Ministrja e Integrimit Evropian Klajda Gjosha.

Në një intervistë televizive, ministrja hodhi poshtë edhe spekulimet e opozitës për këtë draft të propozuar prej dikasterit që ajo drejton, ndërsa e konsideroi ngritjen e këtij Këshilli tejet të rëndësishëm në procesin e integrimit.

?Padiskutim që ky Këshill do të ketë shumë peshë në procesin e integrimit dhe roli i tij do të jetë më i dukshëm dhe më thelbësor sidomos pas hapjes së negociatave. Ky Këshill duhet të jetë modeli i gjithëpërfshirjes dhe i bashkëpunimit të të gjitha aktorëve. Ky organ do të jetë struktura më e lartë këshilluese e procesit të integrimit, në mënyrë që rruga dhe hapat që do të ndiqen për ta çuar këtë proces përpara të jenë sa më solide?, sqaron Gjosha.

Këshilli, thekson ministrja, do të ketë për qëllim të çojë vendin përpara në arritjen e reformave madhore të cilat janë të nevojshme për t?u afruar me BE-në. Më tej, ministrja deklaron se modeli i propozuar nga qeveria është i mirëmenduar dhe i përshtatet vecanërisht momentit në të cilin ndodhet vendi në procesin e integrimit. Duke vënë në dukje se ky model dëshmon pjekuri politike dhe ofron nxitje për të rritur nivelin e dialogut politik mes maxhorancës dhe opozitës, Gjosha thotë se të gjitha vendet të cilat kanë ngritur këtë Këshill e kanë bërë duke iu përshtatur rrethanave, fazës së procesit të integrimit në të cilin ndodhet ky vend apo situatës politike.

Duke hedhur poshtë pretendimet e opozitës lidhur me modelin e ngritjes së këtij Këshilli, Ministrja sqaron gjithashtu se nuk ka model të kopjuar, por të përshtatur dhe nëse në Kroaci Këshillin e drejton opozita, në Kosove e drejton Presidenti, në Serbi e drejton Kryeministri.

Lidhur me drejtimin e Këshillit nga opozita, Ministrja Gjosha e kosideron të rëndësishëm propozimin e qeverisë që Këshilli të drejtohet nga dy bashkëdrejtuese të Komisioneve Parlamentare.

?Ky Këshill nuk mund të cilësohet thjesht si një strukturë qeveritare apo parlamentare, sepse në momentin kur do të hapen negociatat, të gjithë aktorët duhet të jenë pjesë e Këshillit me gjithë angazhimin e tyre duke bërë më të mirën e mundshme për të vendosur procesin e integrimit mbi çdo interes tjetër?, deklaron ajo.

Në përfundim, ministrja e Integrimit nënvizon se opozita duhet të jetë pjesë e Këshillit dhe të japë kontributin e saj në procesin e integrimit europian për të ngritur një organ transparent që ti shërbejë avancimit të vendit drejt BE-së.