web counter
LEXO PA REKLAMA!

SHKARKO APP

App Store
Google Play

Rama takohet në Wales, me Kryeministrin e Greqisë, Antonis Samaras

4 Shtator 2014, 20:01, Politikë CNA

Kryeministri Edi Rama u takua në Wales, me Kryeministrin e Greqisë, Antonis Samaras. Në takim u ndanë pikëpamjet respektive për çështje që lidhen me marrëdhëniet mes dy vendeve, duke nënvizuar gatishmërinë për t?i zhvilluar ato më tej.

Kryeministri Rama theksoi vullnetin e Qeveria shqiptare për t?i dhënë një dinamikë të re bashkëpunimit dypalësh në frymën e partneritetit e të fqinjësisë së mirë, si dhe në kuadër të bashkëpunimeve dhe nismave rajonale, në përputhje me realitetin e ri të rajonit.

Me interes të veçantë u fol për projektet me rëndësi rajonale në fushën e infrastrukturës dhe të energjisë, të diskutuara në kuadër të platformës së Samitit të Berlinit. Takimi u zhvillua në Neëport, Ëales, ndërsa delegacionet e dy vendeve marrin pjesë në Samitin e NATO-s.

Në Wales nisi dje punimet Samiti dyditor i NATO-s. Në këtë Samit, i konsideruar shumë i rëndësishëm për çështjet që do të trajtojë, delegacioni shqiptar kryesohet nga Kryeministri Edi Rama dhe në përbërje të tij janë edhe Ministri i Punëve të Jashtme Ditmir Bushati dhe Ministrja e Mbrojtjes Mimi Kodheli.

Samiti, ku marrin pjesë delegacionet e nivelit të lartë të 28 vendeve anëtare të Aleancës së Atlantikut të Veriut, u hap nga Sekretari i Përgjithshëm i NATO-s, Anders Fog Rasmussen, i cili nënvizoi se ky Samit do t?i shërbejë forcimit të partneritetit të Aleancës në përballjen me sfidat e përbashkëta të sigurisë. Në ditën e parë të Samitit diskutohet mbi situatën në Ukrainë dhe Afganistan.





Lajmet e fundit nga