E fundit!

19:02 Kronika

Autori i maskuar me maskë dhe paruke/ Zbulohen detaje nga atentati në Elbasan

Tre persona janë plagosur me armë zjarri një natë më parë ...

Edmond Spaho: Me këtë hartë territoriale nuk do ketë zgjedhje

2 Shtator 2014, 15:58, Politikë CNA

Deputeti i Partisë Demokratike, dhe nenkryetari i Kuvendit, Edmond Spaho i ftuar në rubrikën ?Opinion? në studion e lajmeve në News 24, u shpreh se opozita pret një sjellje të re nga shumica, për t?ju kthyer jetës Parlamentare.

?Është e drejta e cilitdo të analizojë, të japë mendime dhe sugjerime për atë çka opozita duhet të bëjë, por ne jemi të ndërgjegjshëm se opozita është për të qënë në parlament aty zhvillohet lufta politike, por duhet të kesh kushte. Nëse prishet konsensusi zhvillon reforma pa praninë e opozitës, kërkuam konsensus në kuvend për reformën territoriale, që të mos fillohej me vizatimin e hartave dhe nuk e gjetëm. Mazhoranca të reflektojë dhe të na japë shenja që historia e këtij viti do të mbyllet, ne do kthehemi në një realitet funksional politik që të drejtat tona të mos nëpërkëmben?, shprehet Spaho.

Duke u ndalur tek reforma territoriale, deputeti i djathtë është i bindur se me të mazhoranca aktuale do të ketë edhe përfitime elektorale.

?Kërkuam të evitoheshin tendencat për përfitime zgjedhore. Mund t?ju jap shembullin e Zall Herrit dhe Paskuqanit, Zall Herri iu bashkua Tiranës dhe Paskuqani Kamzë, kjo është një zgjidhje e mirëfilltë elektorale. Këtu faktohet teoria jonë. Ne po kërkojmë ndryshim të qëndrimit të mazhorancës?, tha Spaho.

Duke u ndalur sërish tek reforma territoriale, Spaho u shpreh se P-ja është e vendosur të çojë atë në Gjykatën Kushtetuese. Deputeti tha se me hartën ekzistuese nuk do të hyjnë në zgjedhje.

?Për ndarjen territoriale do shkojmë në Gjykatën Kushtetuese. Me këtë hartë territoriale kemi bindjen që nuk do ketë zgjedhje, parandaj do të shkojmë në Gjykatën Kushtetuese por edhe me referendume lokale. Nëse do gjejmë mbështetje nuk do ketë zgjedhje me këtë hartë?, shtoi Spaho.