web counter
LEXO PA REKLAMA!

SHKARKO APP

E fundit!

x

Shkoi të kallëzonte dhunën e bashkëshortit, oficeri i kerkoi seks

26 Gusht 2014, 08:48, Aktualitet CNA

Shërbimi i Kontrollit të Brendshëm arrestoi Shefin e Stacionit Policor të Velipojës, pasi dyshohet se i kërkoi favore seksuale një shtetaseje, që shkoi për të kallëzuar për dhunë bashkëshortin.

Burime zyrtare pranë Ministrisë së Brendshme thonë se Ernest Paluku, që deri dje mbante detyrën e Shefit të Stacionit në Velipojë, u vu në pranga pasi i kërkoi favore seksuale shtetëses R.M.

Ajo ishte paraqitur në polici për të bërë një kallzim për dhunë dhe keqtrajtim nga bashkëshorti i saj. Por në vend të mbrojtjes, u përball me ?ofertën? e shefit të policisë për marrje në mbrojtje.

Mësohet se Paluku ka komunikuar disa herë me denoncuesen duke këmbëngulur që të takoheshin në hotel.

Gruaja jo vetëm ka kundërshtuar, por edhe ka denoncuar sjelljen e punonjësit të policisë në zyrat e SHKB-së.

Kjo ka vënë në lëvizje strukturat e hetimit, që provuan ekzistencëën e komunikimit të efektivit Paluku me shtetasen R.M.

Pas kësaj ai është arrestuar për dy vepra penale, të ?Shpërdorimit të detyrës? dhe ?Marrëdhënies seksuale ose homoseksuale duke shpërdoruar detyrën?.





Lajmet e fundit nga