E fundit!

22:27 Ekonomi

Hyn në fuqi rregullorja e re/ Licencat e shoqërive në ndërtim do të vlejnë deri në 5 vjet

Licencat e shoqërive të ndërtimit do të kenë afat vlefshmë...

Fullani dhe bordi ne Prokurori

24 Gusht 2014, 10:36, Aktualitet CNA

Zyrtarë të lartë të Bankës së Shqipërisë pritet të paraqiten në Prokurori që prej ditës së hënë dhe në vazhdim të javës së ardhshme.

Sipas gazetës Panorama, prokuroria bën me dije se ditën e hënë do të dërgohet pranë Bankës Qendrore kërkesa për paraqitjen e zv.guvernatores Elisabeta Gjonaj.

Pyetja e zëvendëses së Guvernatorit Ardian Fullani pritet të bëhet nga organi i akuzës në cilësinë e personit që ka dijeni për rrethanat e hetimit.

Prokuroria ka pohuar se pas dëshmisë së zv.guvernatores, do të kërkojë me radhë deklarimet e anëtarëve të Këshillit Mbikëqyrës të Bankës së Shqipërisë, përfshi edhe Guvernatorin Ardian Fullani.

Këtyre personave pritet t?u kërkohen shpjegime për një sërë problematikash të dala nga hetimi në lidhje me vjedhjen e më shumë se 7.13 milionë lekëve nga arkat e thesarit. Hetimet e deritanishme të prokurorisë kanë evidentuar shkelje dhe mangësi serioze në menaxhimin e kartëmonedhave brenda bankës. Mungesa totale e kontrollit është konstatuar si për kartëmonedhat e reja që prodhoheshin jashtë dhe magazinoheshin në godinën e repartit X në Linzë për t?u hedhur në treg, ashtu edhe për paratë e vjetra në prag të nxjerrjes nga qarkullimi.

Mësohet se Prokuroria e Tiranës ka sekuestruar një sërë dokumentesh në Bankën e Shqipërisë në lidhje me kartëmonedhat. Një prej këtyre dokumenteve bën fjalë për asgjësimin e 9 miliardë lekëve.

Fjala është për një urdhër të firmosur nga zv.guvernatorja e Bankës së Shqipërisë në muajin prill të këtij viti.

Mësohet se urdhri në fjalë kërkonte ngritjen e grupeve të punës për asgjësimin e një sasie kartëmonedhash të vjetruara me vlerë prej 9 milionë lekësh të rinj.

Kjo sasi kartëmonedhash që duheshin asgjësuar në një afat njëmujor mësohet se nuk është djegur, duke lënë kështu para në gjendje në arkën stok, ku përgjegjësi Ardian Bitraj ka vazhduar të vjedhë deri në datën 16 korrik 2014. Kjo procedurë, por edhe një sërë çështjesh të tjera që kanë të bëjnë me shkeljen e rregullave të sigurisë dhe mungesën e kontrollit, mësohet se janë çështjet për të cilat do t?u kërkohen shpjegime zyrtarëve të Bankës së Shqipërisë.

Prokuroria ka bërë me dije se hetimet për vjedhjen në Thesarin e Bankës kanë përparuar pas veprimeve të kryera gjatë gjithë muajit gusht. Pritet që në javët e ardhshme të merren persona të tjerë në hetim, ndërsa 10 të arrestuarve do t?u rëndohen akuzat.