web counter
LEXO PA REKLAMA!

SHKARKO APP

App Store
Google Play

E fundit!

x

Rama: Shqipërisë s’mund t’i vijë asgjë e keqe nga Gjermania

26 Gusht 2014, 14:58, Politikë CNA

Kryeministri Edi Rama ka mbajtur një konferencë shtypi para nisjes për në Berlin, ku do të marrë pjesë në Konferencën Ballkanike.

Duke iu përgjigjur pyetjeve të gazetarëve, ai tha se nuk do të diskutojë me kancelaren Angela Merkel për përgjimet.

Sipas tij, Shqipërisë s?mund t?i vijë asgjë e keqe nga Gjermania.

?Jo nuk do ta diskutoj. Besoj se askush nuk dyshon që Gjermania është një vend jo vetëm thellësisht demokratik por në mënyrë themelore një vend lider në Europë dhe me rëndësi të dorës së parë në NATO. Besoj se askush nuk e ka harruar që jemi pjesë e NATO-s dhe vendesh demokratike që bashkëpunojnë dhe luftojnë për më shumë siguri. Dhe, kur bëhet fjalë për siguri përpjekja për informacion dhe për veprim për të garantuar sigurinë nuk njeh kufij. Besoj se nuk na shkon aspak ta zmadhojmë një gjë të tillë, por sigurisht duke mos i hequr asnjë presje, asaj që tha Merkel. Ne në rrugët normale diplomatike do bëjmë shkëmbim të informacionit për të pasur qartësi mbi këtë çështje.

Por, e përsëris asnjë e keqe nuk i vjen Shqipërisë nese Gjermania apo vendet e tjera aleate në funksion të sigurisë në këtë fazë ku siguria kërcënohet nga ka faktorë afërsisht të lidhur me terrorizimin të bëjnë punën e tyre?, tha Rama.

Duke u ndalur tek deklaratat e Bujar Nishanit në Austri, kryeministri tha se ai flet si anëtar i PD-së dhe jo si presidenti i këtij vendi.

?E thënë nga një anëtar i vjetër i PD ka besueshmëri, referojuni PD në qeveri dhe asaj në opozitë për të kuptuar sa e vërtetë është kjo deklaratë?, komentoi Rama.

Duke u ndalur tek temat e diskutimit, Rama shpjegoi  ?do flas për një politikë të re që ka nisur në rajon, në shtysën e fortë të paqes dhe mbi faktin e thjeshtë se ky është viti i parë që rajoni jeton pa konflikte. Mbi këtë themel duhet ndërtuar një marrëdhënie e re, në funksion të rritjes së financimeve për rajonin. Kriza financiare e ka goditur rajonin?.

?Janë 4 zona ku do kalojë diskutimi, bazuar sipas nesh në një strukturë që duhet të shkojë nga infrastruktura rajonale, bllok ku përfshihet Kosova, Mali i Zi dhe Bosnja për të mbështetur projektin e madh të korridorit të Kaltër, i cili lidh jugun e Kroacisë me Shqipërinë. Unaza e turizmit, është një aks për shkëmbim intensiv të njerëzve dhe mallrave në funksion të një rritje të qëndrueshme.

Ky projekt është në një fazë të avancuar, së dyti infrastruktura hekurudhore rajonale, së treti qendra për parqet logjistike dhe portet multimodale si dhe së 4-ti një shtysë për të ngushtuar hendekun mes Europës në pikëpamjen e teknologjisë dixhitale dhe në eksesin e shoqërive të Ballkanit. Siguria energjetike është një temë tjetër që pritet të diskutohet.

Ne si rajon përfshihemi në TAP por mbetet për të insistuar që të nxisim investime, të ketë ndërlidhmëri brenda rajonit. BE dhe rajoni të jenë në një rrjet të integruar të energjisë.

Do argumentojmë domosdoshmërinë për të siguruar në afat të mesëm dhe të gjatë financime për të mbështetur sipërmarrjen. Për ne rëndësi ka mbështetja për rritjen e arsimit profesional bazuar mbi modelin gjerman.

Së fundi do diskutohet edhe turizmi, si një shtyllë e rëndësishme. Jemi në një moment shumë të rëndësishëm për nga potenciali që kjo kohë ka, përbën një shtysë të fortë për t?ju afruar rajonit në një tentativë të re. Ta cojmë së bashku në një fazë të re ekonominë dhe jetën sociale të rajonit. Objektivi i integrimit të kundërbalancohet me një zhvillim të përbashkët rajonal?, sqaroi Rama pikat ku ndalet dokumenti.

 ?Një qasje e re ndaj rajonit bëhet e mundur në funksion të një marrëdhënie të re mes BE dhe Ballkanit. Kjo qasje e re nuk mund të jetë njëplanëshe, por disaplanëshe, e për këtë arsye ne kemi konceptuar dokumentin tonë të bazuar në ato shtylla të vendosura si bazë e diskutimit të konferencës. Ky është viti i parë që rajoni në historinë e vet jeton pa konflikte në kufijtë mes vendeve. Pa burime alternative të forta vështirë se mund të besohet në një rritje të qëndrueshme në vazhdim?, tha Rama në konferencën për mediat në prag të nisjes për në Berlin ku do tëshoqërohet nga ministri i Jashtëm Ditmir Bushati dhe ai i Ekonomisë Arben Ahmetaj.

Ministri i Jashtëm, Ditmir Bushati, duke ritheksuar rëndësinë e bashkëpunimit rajonal, u shpreh se fokusi i takimit është afrimi i vendeve të Ballkanit dhe afrimi fizik me vendet e BE.

 ?Për herë të parë BE i prezantohet një program për gjithë vendet e rajonit. Europa sot për sot ka dy kërcënime një që vjen nga lindja dhe nga kufiri jugor. Dhe ne mendojmë se Ballkani mund të transformohet në një histori suksesi, duke rritur bashkëpunimin me vendet e BE-së. Fokusi është tek rritja e bashkëpunimit rajonal.

Në 5 vitet e brendshme sipas komisionit të KE nuk do të ketë zgjerim, por synohet forcimi i bashkëpunimit me Ballkani Perëndimor. Kjo do t?i afronte vendet tona drejt një rajoni të vërtetë dhe të lidhur fizikisht edhe me BE. Nevoja për diversifikimin e burimeve energjetike ka rëndësi, dhe Shqipëria ka një pozitë strategjike në këtë pjesë, pasi në vendin tonë kalojnë dy projekte të rëndësishme strategjike?, tha ministri Bushati.

Ndërsa ministri i Zhvillimit Ekonomik Arben Ahmetaj u ndal tek bashkëpunimi ekonomik i vendeve, duke theksuar edhe rëndësinë që ka Shqipëria në rajon edhe duke iu referuar pozicionit strategjik.

?Tryeza e bisedimeve e ministrave të Ekonomisë do të fokusohet tek rritja e bashkëpunimit mes vendeve të BE-së dhe atyre të Ballkanit. Me rëndësi është edhe bashkëpunimi në fushën e energjetikës, por edhe të infrastrukturës. Synohet edhe rritja e mbështetjes për sipërmarrjen, duke u fokusuar edhe tek aftësimi profesional sipas modelit gjerman.

Turizmi është pjesë e integruar e sektorëve të Mesdheut. Projektet e infrastrukturës dhe katër shtyllat e tjera do bëjnë që turizmi të jetë pjesë e rëndësishme e zhvillimit të ekonomive të Ballkanit. Ballkani shihet si treg i rëndësishëm i domosdoshëm, dhe Shqipëria brenda Ballkanit nuk shihet si element sigurie, por si promotor i zhvillimit dhe integrimit europian?, u shpreh ministri Ahmetaj.





Lajmet e fundit nga