web counter
LEXO PA REKLAMA!

SHKARKO APP

App Store
Google Play

Fullani nuk dorëhiqet, mbështet vartësit

13 Gusht 2014, 07:49, Aktualitet CNA

Guvernatori i Bankës së Shqipërisë, Ardian Fullani jo vetëm që nuk ka ndërmend të japë dorëheqjen, por ka inkurajuar vartësit e tij të vazhdojnë punën të qetë.

?Puna të vazhdojë si deri tani. Është një situatë e vështirë, por do ta kalojmë siç kemi kaluar bashkë situata të tjera të vështira?, mësohet se u ka komunikuar Fullani drejtorëve kryesorë të BSH-së në takime të veçanta, sipas ?GSH?-së.

Guvernatori ka takuar edhe punonjësit e thjeshtë, duke dalë vetë zyrë më zyrë për të komunikuar drejtpërdrejt me vartësit. Kreu i Bankës së Shqipërisë i ka kërkuar personelit që të rrisë bashkëpunimin në funksion të zbatimit me rigorozitet të kuadrit ligjor dhe rregullator në fuqi.

Takimi i Guvernatorit me punonjësit e BSH-së u lajmërua edhe në faqen zyrtare të bankës në internet.

?Në vijim të mbledhjeve të posaçme të Këshillit Mbikëqyrës, pas një analize të hollësishme dhe të përgjegjshme të situatës së krijuar nga akti i shëmtuar i vjedhjes në Departamentin e Emisionit, administrimi i Bankës së Shqipërisë organizoi një takim të posaçëm me punonjësit e Bankës. Administrimi i Bankës së Shqipërisë i tërhoqi vëmendjen personelit të Bankës së Shqipërisë që të mprehë shqisat e skepticizmit profesional dhe të rrisë bashkëpunimin në funksion të zbatimit me rigorozitet të kuadrit ligjor dhe rregullator në fuqi?, citohet në faqen e Bankës.

Më tej, në njoftim sqarohet se ?Këshilli Mbikëqyrës dhe administrimi i Bankës së Shqipërisë beson se punonjësit e Bankës kanë ekspertizën teknike, përgatitjen profesionale, integritetin moral dhe kthjelltësinë në vendimmarrje për rikuperimin e situatës dhe përsosmërinë e veprimtarisë së saj?. 





08:55 Aktualitet

Old Fashion

Nga Edison YPIShtëpi më të larta se tre kate ndalohen me lig...

Lajmet e fundit nga