web counter
LEXO PA REKLAMA!

SHKARKO APP

App Store
Google Play

E fundit!

x

Tahiri: Policia ka hequr nga duart e krimit 2.7 miliard euro

23 Korrik 2014, 13:50, Politikë CNA

Me operacionet e fundit, kryesisht ndërhyrja në Lazarat, policia ka hequr nga duart e krimit 2.7 miliard euro.

Por pyetja që qëndron ende, sipas ministrit të Brendshëm Saimir Tahiri është se ?këto miliarda që sot ka asgjësuar Policia e Shtetit, në cilat duar përfundonin dje?!?? Ndërsa pasuria e sekuestruar si pasojë e pastrimit të produkteve të veprës penale, është 10 milionë euro.

Megjithëse beson se Policia është shkëputur nga e djeshmja, ministri Tahiri deklaroi në raportimin publik për 300 ditët, se drejtësia vuan ende nga gjyqësori i korruptuar. ?Në 300 ditë janë ndaluar 2464 autorë, kuptohet të gjithë këta nuk janë sot në burg, sepse edhe këta kanë mundur të paguajnë drejtësinë, atë segment të drejtësisë që me paligjshmërinë e tyre dhe me pasurinë e paligjshme që kanë fituar, kanë mbledhur para për të paguar edhe çmimin e drejtësisë?, u shpreh ai.

Ministri tha se kriminaliteti i fshehur është plaga e vërtetë e shoqërisë sonë.

?Nuk ka si të ketë mundësi, që për vitin e kaluar në Shqipëri, raportohen krime për 100 mijë banorë, 4 herë më pak se Kroacia, 8 herë më pak sesa Kosova, apo 20 herë më pak sesa Danimarka apo Gjermania! Jo sepse këto vende janë më pak të sigurta sesa Shqipëria, por sepse qytetarët raportojnë gjithçka?, nënvizoi kreu i Ministrisë së Brendshme.

Tahiri apeloi për një presion më të fortë të vetë shoqërisë, pasi masat shtrënguese të policisë, nuk mjaftojnë për të ulur numrin e aksidenteve.

?6188 patenta janë pezulluar në 300 ditë dhe pavarësisht numrit të uljes së aksidenteve ato prapë mbeten shumë, krahasuar me mesataren ose normën mesatare e aksidenteve me pasojë vdekjen për 100 000 mijë banorë në BE?, deklaroi Ministri.





Lajmet e fundit nga