web counter
LEXO PA REKLAMA!

SHKARKO APP

App Store
Google Play

E fundit!

x

Rama loje me Komisionin e Ekonomisë. Bie taksa e makinave dhe celularëve

15 Korrik 2014, 16:22, Politikë CNA

Loje e kryeministrit Rama, me disa projektligje te cilat synojne rritjen dhe vendosjen e taksave te reja. Projektligji shkon nga qeveria ne komisione dhe bie poshte, thua se QEVERIA ESHTE E PS-LSI DHE KOMISIONET JANE TE PD.

Me disa justifikime dhe ne mungese te opozites komisioni rrezoi ligjin duke bere detyren e opozites ndaj qeverise. Opozita dhe sot ka munguar ne komisionet parlamentare pas shpalljes se bojkotit, menjehere pas incidentit te deputetit Strazimiri me socialistin Ndoka 

Komisioni i Ekonomisë rrëzoi me votat e mazhorancës parlamentare, pa praninë e opozitës, p/ligjin për vendosjen e taksës prej 1000 lekë për makinat, si dhe propozimin për vendosjen e një takse prej 50 lekë për celularët. Propozimi për vendosjen e këtyre taksave ishte bërë nga Ministria e Financave.  Sipas deputetëve, qytetarët paguajnë sigurime shëndetësore dhe vendosja e taksave shtesë është e paargumentuar. 

Sipas draftit të paraqitur nga Ministria e Financave, në ligjin për taksat kombëtare bëhen dy ndryshime. Së pari, do të vendoset një tarife e re për shërbimin e urgjencës mjekësore, e cila paguhet në masën 50 lekë në vit për çdo kartë telefonike SIM të përdorur. 

?Operatorët e licensuar të komunikimeve elektronike për telefoninë celulare, duhet të vjelin tarifën nga çdo person, i cili ka një numër të regjistruar në emrin e tij, në momentin e kryerjes së pagesës së shërbimit telefonik nga ana e abonentit. Për numrat në përdorim me parapagesë, kjo tarifë parapaguhet nga ana e operatorit telefonik që mbulon shërbimin?, theksohet ne projektligj. 

Taksa e dytë do të paguhet nga të gjithë ata qe kane një automjet. Ajo është në masën 1 mijë lekë në vit për çdo autoveturë, si dhe 1500 lekë në vit për automjetet e tjera me gjatësi aksi, numër vendesh dhe tonazh më të madh. Edhe të ardhurat nga kjo taksë, do të shkojnë për urgjencën mjekësore. 

?Kjo pagesë është e detyrueshme të bëhet së bashku me pagesën e taksës së qarkullimit. Pronari i mjetit, i cili nuk kryen pagesën e kësaj tarife brenda 10 ditëve nga mbarimi i afatit të vlefshmërisë së parashikuar, detyrohet të paguajë një gjobë prej 5 për qind të shumës së detyrimit të papaguar për çdo muaj vonesë, por jo më shumë se 25 për qind për çdo vit?, theksohet ne projektligjin e Ministrisë së Financave. 

Ministria e Financave u rrezua nga komisioni, kjo si nje loje qesharake e qeverise e cila kerkon te beje njekohesihst dhe opoziten.





Lajmet e fundit nga