E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Rama: Tani e kanë rradhën Gatet e drejtësisë

23 Qershor 2014, 13:00, Politikë CNA

?Gatja i Lazaratit me armë e thasë të mbushur me hashash në shtëpi nuk është askushi në krahësim me Gatet e pushtetit gjyqësor që për armë kanë çekiçin e gjykatësit ndërsa paratë i bëjnë me thasë duke nxjerrë nga kafazet Gatet e krimit. Ose në krahasim me Gatet e pazarit të Prokurorisë që i kanë kthyer shumë prej dosjeve të luftës tonë kundër korrupsionit në letra me vlerë për karrierë dhe përfitime krejtësisht vetiake në kurriz të drejtësisë. Ne jemi gati të përballemi me cfarë do kosto me ta. Prokurorët nuk mund ti fshihen më përgjegjësisë së tyre. i kanë harxhuar kohën këtij vendi duke ardhur vërdallë dhe duke kapur vetëm cironkat, njëlloj sicc kapim ne me kavanoz ato peshqit e vegjël në breg të liqenit. Nëse nuk do të dënojnë Gatet, le të shkojnë në vend të tyre atje ku Gatet kanë vendin?.

Kështu u shpreh Kryeministri Edi Rama në mbledhjen e Grupit Parlamentar të Partisë Socialiste ku ka paralajmërusra nisjen e reformës në sistemin e drejtësisë sesionin tjetër parlamentar, duke shprehur vendosmërinë e realizimit të kësaj reforme njëlloj sikundër u realizua ajo për ndarjen e re territoriale. Rama theksoi se kjo reformë do të koordinohet nga Kuvendi dhe do të jetë gjithëpërfshirëse, por askush nuk mund të bllokojë realizimin e saj.

Kryeministri Edi Rama akuzoi opozitën e sotme se ndërsa Policia e Shtetit ishte në krye të detyrës në aksionin antikanabis në Lazarat, se u bë aleate me krimin.

?Ka pasur momente që do kishin dekujaruar shumëkënd, aq më tepër kur krimi ka gjetur një aleat, opozitën e sotme politike?, tha Rama.

?Shpresojmë të marrim një vendim pozitiv për statusin, pasi sicc është bërë Europa, asgjë nuk është e sigurtë. Por me këtë sistem drejtësie anëtarësimin në BE, Shqipëria nuk sheh dot as me dylbi?, theksoi Rama.

Një vit pas zgjedhjeve parlamentare të 23 qershorit, Kreu i Qeverisë thekson se falë punëve të mira të kësaj qeverie, shpresat për rilindjen jo vetëm nuk janë fikur por janë forcuar edhe më tej.

Gjatë fjalës së tij në mbledhjen e grupit të PS-së, kryeministri iu referua operacionit të policisë në Lazarat, duke përgëzuar policinë dhe ministrin e Brendshëm Saimir Tahiri, i cili sipas Ramës, ?i ka sjellë një vlerë të shtuar qeverisë dhe Partisë Socialiste?.

?Brenda dhe jashtë vendit ka jehuar fort fitorja e shumëpritur, por e pashpresuar nga shumëkush, fitorja e shtetit me krimin në Lazarat. S?ka asnjë dyshim se lufta me krimin ka qenë dhe mbetet një prioritet themelor. Një prioritet që siç e dimë të gjithë ka qenë tejet i mundimshëm në këtë pjesë hyrëse të qeverisjes për shkak të gjendjes katastrofike ku e gjetëm Policinë e Shtetit. Në këtë 23 qershor, pa u mbushur 300 ditë, përmbushëm angazhimin për ta kthyer Policinë e Shtetit në krye të detyrës?, theksoi Rama.

Duke iu referuar nismës së disa deputetëve për shkarkimin e një anëtari të kabinetit qeveritar, Rama theksoi se ministri Tahiri meriton ndjesën e disa ligjvënësve.

?Saimir Tahiri sot meriton jo vetëm falënderimin tonë të me gjithë zemër për vlerën e shtuar që i ka sjellë qeverisjes dhe familjes tonë politike. Meriton edhe ndjesën e heshtur të çdo deputeti që nuk e ka bërë si duhet ndaj tij detyrën e deputetit. Në kushtet ku i ka rënë për pjesë të punojë i duhet të përballet me situata tejet të rënda. Në këtë 23 qershor të parë të qeverisjes sonë ëndrrat dhe shpresat e rilindjes 2013 jo vetëm nuk janë fikur por janë forcuar fale punëve të mira dhe rezultatet e prekshme. Rezultatet në Lazarat qershia mbi tortë.?, tha kryeministri.

Gazeta Tema