E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Rama: Operacioni policor në Lazarat është ndër më të rëndësisshmit

20 Qershor 2014, 12:13, Politikë CNA

Kryeministri Edi Rama shprehu mirënjohjen dhe vlerësimin maksimal për Policinë e Shtetit dhe ministrin e Brendshëm Sajmir Tahiri në lidhje me operacionin e zhvilluar në Lazarat.

Në një deklaratë për mediat, Rama i drejtoi një apel të fortë Prokurorit të Përgjithshëm Ardiatik Llalla duke i kërkuar që të angazhohet personalisht ai vetë për fazën e dytë të këtij operacioni që është dokumentimi dhe më pas vendosja para ligjit e të gjithë atyre që kryen me vite të tëra këtë aktivitet kriminal nën emrin e Lazaratiti.

?Të angazhojë veten e tij dhe të gjithë forcat e shëndetshme t?i shkojë deri në fund fazës së dytë që është zbardhja dhe ndëshkimi për cdo provë të zbardhur të gjithë kësaj veprimtarie kriminale deri në sekuestrimin e qindarkës së fundit të gjithë pasurive që janë akumuluar në kurriz të njerëzve të kthyer në skllevër dhe Shqipërisë?, theksoi Rama.

?Sot pas 5 ditësh luftë me një hordhi kriminelësh të lidhur ngushtë me pushtetin e djeshëm, ajo republikë e turpit nuk është më. Sot pas 5 ditësh e netësh nën ankthin e madh, qytetarët e ndershëm të Lazaratit nuk janë më pengjet e një martese të shpifur e të stërgjatur të krimit me politikën.?, u shpreh Rama.

Në fjalën e tij, Kreu i Qeverisë shprehu vlerësimin maksimal për ministrin Tahiri, për të cilin tha se po udhëheq një transformim rrënjësor në Policinë e Shtetit.

?Dua të shpreh bindjen time të rikonfirmuar se sot ky vend ka ministër të Brendshëm që prej kohësh i ka munguar dhe pa asnjë më të voglin dyshim po udhëheq një transformim rrënjësor në polciinë e shtetit dhe në marrëdhëniet mes policisë së shtetit dhe ligjit, publikut dhe vetë misionit të cdo polici të shtetit. Mirënjohje falenderim dhe vlerësim superlative për ministrin e Brendshëm drejtorin e policisë dhe drejtuesit e lartë të policisë që u përfshinë në këtë operacion që për shumë kënd ishte i pamundur dhe që shumë kush e konsideronte test?, tha Rama.