web counter
LEXO PA REKLAMA!

SHKARKO APP

App Store
Google Play

Rama-Berishës: Njerëzit duhet ta shohin deri në fund se kush i ka mbajtur peng

28 Maj 2014, 22:00, Politikë CNA

Seanca e sotme plenare është kthyer në një skenë akuzash e kundërakuzash të pafundme mes ish-kryeministrit Sali Berisha dhe kryeministrit Edi Rama.

Ky i fundit, pasi ka replikuar disa herë më të, ka thënë se nuk do të merret më me Berishën, pasi ai është kthyer në një njeri qesharak, që përpiqet të tërheqë vëmendje me akuza të paqena.

?Po të them një gjë, që sot e tutje unë nuk merrem më me ty. Fol sa të duash, por në Kuvend nuk të përgjigjem më.

Ty do të lëmë të flasësh sa të duash, sepse shqiptarët nuk duhet ta harrojnë kush je ti. Njerëzit duhet ta shohin deri në fund se kush i ka mbajtur peng.

Kur injoranca të del përballë në formën e urrejtjes, ka vetëm një mënyrë, lëre të flasë sa të duash.

Dhe unë të them që fol sa të duash, unë nuk merrem më me ty.

Nëse ke gjë, shkro në prokurori?, tha Rama.

Berisha duke iu përgjigjur tha se, nëse nuk vërtetohen akuzat e tij, nuk shkel më në Kuvend.

Kjo ka sjellë ironinë e kryetarit të Kuvendit, Ilir Meta, që ka thënë se nuk mund ta pranojë këtë gjë, pra që Berisha të mos shkelë më në Kuvend.

Gazeta Tema





Lajmet e fundit nga