web counter
LEXO PA REKLAMA!

SHKARKO APP

App Store
Google Play

Vjedhja në Kalanë e Gjirokastrës, policia nis hetimet

20 Prill 2014, 22:00, Aktualitet CNA

Pas vjedhjes së 11 armëve të periudhës së mesjetës, në muzeun e armëve në Kalanë e qytetit Gjirokastër, policia e këtij qyteti ka nisur hetimet për zbardhjen e kësaj vjedhje dhe kapjen e autorëve. Policia informon se ka bërë ndalimin e shtetasit N.Zhuli, 60 vjeç, banues në Gjirokastër, me profesion roje pranë shoqërisë private Taulani, për veprën penale ?Shpërdorim detyre?. Arrestimi i tij u bë pasi gjatë kohës që është kryer vjedhja e muzeut, ai ka qenë në shërbim për ruajtjen e objektit të kalasë. Gjithashtu ka nisur procedimi penal në gjendje të lirë për përfaqësuesin e firmës Taulanti , S.K, 62 vjeç, banues në Gjirokastër, për veprën penale të ?Kryerjes së funksionit pas dhënies fund të tij?. Procedimi penal për përfaqësuesin e firmës filloi pasi nga verifikimi i dokumentacionit të firmës, rezultoi se afati i kontratës për ruajtjen e objektit të kalasë kishte përfunduar më datën 12.03.2014, por përsëri kjo shoqëri vazhdonte ruajtjen e këtij objekti. Sipas policisë janë shoqëruar në ambientet e Komisariatit të Policisë Gjirokastër edhe 5 shtetas të tjerë si të dyshuar për vjedhjen.





Lajmet e fundit nga