web counter
LEXO PA REKLAMA!

SHKARKO APP

App Store
Google Play

Banka Botërore: 350 mln USD ndihmë Shqipërisë për 2014

18 Prill 2014, 22:00, Ekonomi CNA

Drejtoresha e Përgjithshme e Bankës Botërore në Shqipëri, Tahsin Sajed (Tahseen Sayed) ka folur për GSH në lidhje me emërimin e saj në këtë detyrë. ?Nuk e kisha pritur të emërohesha në Shqipëri, por ne nuk dimë se çfarë ka ruajtur jeta për ne. Udhëtimi ka qenë i gjatë, por mua nuk më është dukur i tillë. Çfarë ka qenë e këndshme lidhur me këtë udhëtim, sidomos me punën time pranë Bankës Botërore, është mundësia për të bashkëvepruar me një grup të shumëllojshëm njerëzish në një vend?. Sipas saj situata në sektorin energjitik në vendin tonë është serioze. Sipas saj situata në sektorin energjitik në vendin tonë është serioze.

?Ka humbje të larta të energjisë. Njerëzit nuk po paguajnë për energjinë e konsumuar. Ka një borxh të madh të papaguar në këtë sistem. Ka një nevojë për përmirësim jo vetëm të prodhimit të energjisë, por edhe të shpërndarjes. Me një fjalë, ka nevojë për një planifikim të mirë dhe të qëndrueshëm, që do të thotë përmirësim institucional i shërbimeve komunale, një buxhetim dhe planifikim më i mirë, qëndrueshmëri dhe një drejtim më i mire i këtij sektori.? është shprehur Drejtoresha e Përgjithshme e Bankës Botërore në Shqipëri, Tahsin Sajed.

Më tej ajo ka shtuar se Banka Botërore do të investojë shumën prej 150 milionë USD për sektorin energjetik. ?Nëse gjithçka shkon mirë me përgatitjen e këtyre projekteve, ne shpresojmë të sjellim mbi 350 milionë dollarë ndihmë gjatë këtij viti. Më duhet të nënvizoj se Banka Botërore operon mbi bazën e një strategjie mbështetëse për vendin për një periudhë 4-vjeçare dhe shpesh 5-vjeçare në linjë me objektivat e zhvillimit të vendit. Ne do ta përfundojmë këtë strategji në qershor?.





Lajmet e fundit nga