Rritja e çmimit të energjisë, Bode: është e gabuar, 60% nuk paguhet

Në Komisionin Parlamentar të Ekonomisë deputët i kanë kërkuar Autoritetit të Konkurrencës të ndërhyjë për të bllokuar planet për rritjen e çmimit të energjisë. Por drejtues të këtij autoriteti thanë se masat që ata ndërmarrin shpesh nuk merren në konsideratë. Kjo pasi vendimet e këtij autoriteti duket se nuk kanë vlerën e duhur për sa kohë, nuk aplikohen dhe shpesh janë hedhur poshtë nga gjykatat. Për këtë kreu i Komisionit të Ekonomisë, tha se çështjen do ta çojë tek Këshilli i Lartë i Drejtësisë. Një praktikë qe edhe deputët pranojnë se nuk është aplikuar deri tani. Këtë e kanë kërkuar edhe drejtuesit e Autoritetit të Konkurrencës. Ish-ministri i Financave dhe deputeti i PD-së Ridvan Bode, është shprehur se është e gabuar të rrisësh çmimin, kur 60 % e saj nuk paguhet. ?Të kërkosh rritjen e çmimit të energjisë elektrike, ku 60 për qind e energjisë elektrike nuk paguhet, humbet, vidhet në rrjet dhe të thuash që jam një ent rregullator që mbikëqyr tregun dhe do ta vendos kaq çmimin, unë mendoj që është e gabuar. Nuk mundeni ju që të qëndroni sehirxhinj meqë aty na qenka një autoritet tjetër i votuar nga Kuvendi për të rregulluar çmimet?, tha Bode.

23:00 Ekonomi

Konfindustria: Paketa e re fiskale po nxit aktivitetin në të zezë

Paketa e re fiskale po përkeqëson aktivitetin ekonomik në ve...

22:22 Ekonomi

Financat: Fillojme shlyerjen e borxheve, ja listat e subjekteve

Ministria e Financës publikoi sot  listën e detyrimeve të pr...