LEXO PA REKLAMA!

SHKARKO APP

App Store
Google Play

E fundit!

x

Pioli nuk fshihet: Do ishte budallallëk nga ana ime të vazhdoja në këtë rrugë

29 Janar 2023, 17:19, Sport CNA
Pioli nuk fshihet: Do ishte budallallëk nga ana ime të vazhdoja

Stefano Pioli e pranon se skuadra e tij nuk po funksionon në këto momente. Milani zhgënjeu me një humbje të bujshme me shifrat 5-2 në shtëpi përballë Sasuolos në kampionat dhe tanimë për shumëkënd duket se ekipi mund të rrezikojë edhe pjesëmarrjen në Ligën e Kampioneve në sezonin e ardhshëm. Stefano Pioli, pas sfidës deklaroi për mediat italiane se duhej të ndryshonte diçka në lojën e skuadrës, pasi me këto ritme rrezikohej një katastrofë edhe më e rëndë.

“Gjërat që funksiononin mirë deri disa javë më parë, nuk funksionuan, ndaj është e qartë që do të bëjmë disa modifikime. Ne e nisëm ndeshjen mirë, krijuam iluzione me golin e Zhiru. Por pastaj kemi vështirësi që të reagojmë dhe jemi të brishtë në fazën mbrojtëse.

Do të ishte budallallëk nga ana ime të vazhdoja në këtë rrugë që nuk po na sjell rezultatet, ndaj do të bëj diçka si në aspektin taktik, ashtu edhe psikologjik të lojtarëve. Lojtarëve nuk u mungon dëshira apo nuk janë të vëmendshëm, por po kalojnë një moment të vështirë. Është një humbje shumë e rëndë, i afrohet asaj në Bergamo, aty u mblodhëm dhe u rinisëm. Me siguri nuk do të rifitojmë titullin kampion, por të kthehemi në Ligën e Kampioneve është thelbësore.

Premtimi për tifozët para derbit? Premtoj se do të punojmë në të gjithë javën që të fitojmë derbin.

Çfarë ndjej pas 5 golave të Sasuolos? Dhimbje”, u shpreh Pioli në konferencë për shtyp.

Lajmet e fundit nga