web counter
LEXO PA REKLAMA!

SHKARKO APP

App Store
Google Play

E fundit!

x

Një sulm i mundshëm ndaj Elon Musk / Përndiqet makina e tij, brenda ndodhej djali 2-vjeçar

15 Dhjetor 2022, 16:09, Tech CNA

Një sulm i mundshëm ndaj Elon Musk / Përndiqet makina e tij,

Tema më e diskutuar në "Twitter" në orët e fundit është bërë ndalimi i llogarisë @ElonJet, i cili po monitoronte vendndodhjen e avionit privat të pronarit të "Twitter", Elon Musk. 

Mediat raportojnë se konkretisht, kjo llogari edhe ato të ngjashme të krijuara nga Jack Sweeney u bllokuan.

Ky vendim është natyrisht në kundërshtim me deklaratat e Elon Musk në nëntor, kur ai theksoi konkretisht:

“Angazhimi im për lirinë e fjalës përfshin edhe mosndalimin e llogarisë që ndjek aeroplanin tim, edhe pse një veprim i tillë përbën një rrezik të menjëhershëm për sigurinë time personale”, ka shkruajtur në llogarin e tij Musk.

Arsyeja e bllokimit janë rregullat e reja të "Twitter" që filluan të zbatohen vetëm pak orë më parë, të cilat ndalojnë publikimin e informacionit në kohë reale për vendndodhjen e kujtdo. Menjëherë pas kësaj, Tëiterr ndaloi edhe llogari të tjera, të tilla si ato që gjurmonin avionët e Jeff Bezos dhe Bill Gates.


Ky vendim i papritur i Musk duket se është shkaktuar nga një incident i ndodhur pak orë më parë ku u përfshi edhe djali i tij dy-vjeçar me Grimes, 'X'. 

Ai ka deklaruar se mbrëmë një “i çmendur” po ndiqte makinën që po transportonte djalin e tij në Los Angeles, duke menduar se brenda ishte vetë Eloni. 

Në fakt, më vonë ai i ka bllokuar rrugën makinës dhe brenda saj ka  fotografuar dhe i ka bërë video një personi me kapuç veshur.

Musk ende po përpiqet të identifikojë personin përgjegjës për sulmin dhe ka kërkuar ndihmën e komunitetit. Në veçanti, ai postoi një video të ngjarjes, në të cilën shihet një burrë me fytyrën e fshehur nga një kapuç./ CNA.al





Lajmet e fundit nga