web counter
LEXO PA REKLAMA!

SHKARKO APP

App Store
Google Play

Historia e orës/ Si avancoi teknologjia

15 Shtator 2024, 22:40, Tech CNA

Historia e orës/ Si avancoi teknologjia

Historia e orës përfshin mijëra vjet zhvillimi teknologjik dhe kulturor.

Para se të shpikej ora, matja e kohës bëhej përmes natyrës.

Një nga mënyrat më të hershme për të matur kalimin e kohës ishin ndjekja e diellit, hënës dhe yjeve. Arka dhe ora diellore, që përdorin hijet për të treguar orën, janë disa nga format e para të matjes së kohës dhe datojnë që në lashtësinë e hershme.

Egjiptianët ishin ata që krijuan orë diellore për të matuar kohën gjatë ditës. Po ashtu, në Mesopotami, u zhvilluan orë uji (clepsydra) që shfrytëzonin ujin për të numëruar kalimin e kohës.

Në shekullin e 13-të filluan të shfaqen orët mekanike në Evropë. Këto orë përdornin mekanizma komplekse me rrota dhe pesha për të matur kalimin e kohës. Ato shpesh ishin të vendosura në katedrale dhe kisha për t'u përdorur në ceremonitë fetare.

Në shekullin e 16-të dhe 17-të, pati zhvillime të reja në fushën e mekanikës dhe astronomisë që sollën rritjen e saktësisë në orët mekanike.

Historia e orës/ Si avancoi teknologjia

Në shekullin e 18-të, orët filluan të zhvilloheshin për të bërë të mundur mbajtjen e tyre në dorë. Orët e dorës u bënë popullore, ndërsa teknologjia e prodhimit përmirësohej.

Mes viteve 1920 dhe 1950, filluan të prodhoheshin orë nga kompani të njohura si “Rolex” dhe “Omega”.

Në vitet 1960, filluan të shfaqen orët elektronike, duke përdorur valët elektrike, për të bërë matjen e kohës. Këto orë ishin shumë të sakta dhe u bënë të njohura për përdorim në industri dhe aviacion.

Me avancimin e teknologjisë kompjuterike, orët digjiitale u bënë të zakonshme në vitet 1980. Këto orë ishin të përshtatshme për përdorim në çdo ambient.

Në vitet 2010, filluan të bëhen të njohura orët inteligjente (smartëatches), duke ofruar një gamë të gjerë funksionesh, duke përfshirë matjen e aktivitetit fizik, monitorimin e shëndetit, dhe aksesin në internet dhe aplikacione.

Ora ka evoluar nga matja e kohës në një mjet kompleks që ofron shumë më tepër se sa thjesht shfaqja e orës./ Përshtatur nga CNA





Lajmet e fundit nga