E fundit!

09:13 Aktualitet

“Me FB fals, por origjinal”/ Rama thumbon Qorin, Lapajn dhe Shehajn

Kryeministri Edi Rama ka ironizuar njerëzit e infiltruar t...

ZYRTARE/ Kontratë 4-vjeçare, Partizani gjen zëvendësuesin e Belicës

31 Gusht 2022, 17:49, Sport CNA

ZYRTARE/ Kontratë 4-vjeçare, Partizani gjen zëvendësuesin

Partizani ka bërë të vetin Marcelino Prekën. 19 vjeçari ka lënë Bylis dhe për dy sezone do jetë pjesë e Demave të Kuq. Largimin e tij nga Ballshi e ka njoftuar klubi i Bylis, që falenderon lojtarin për dy vitet e kaluara me mallakastriotët.

Preka është produkt i KF Shkodra, teksa shihet si zëvendësuesi i Belicës te Partizani. Shkodrani ka bërë paraqitje të mira, duke merituar edhe ftesën e Kombëtares U-21.

Tanimë është në dorë të djaloshit që të tregojë potencialin e tij, në një klub si Partizani me të cilët ka firmosur për 4 sezone. Investimi i të kuqve është rreth 60 mijë euro, me Prekën që shpreson të bëjë paraqitje të mira për të merituar oferta nga jashtë vendit.

ZYRTARE/ Kontratë 4-vjeçare, Partizani gjen zëvendësuesin

Njoftimi:

Klubi ynë njofton shitjen e Marçelino Prekës te klubi i Partizanit.

Arrihet marrëveshja për transferimin e mbrojtësit 19-vjeçar, një prej talenteve më premtues të skuadrës sonë dhe futbollit shqiptar, pjesë e Shpresave U-21, Marçelino Preka, në klubin e Partizanit. Kishte një interesim konkret prej dy muajsh nga ana e drejtorit sportiv të klubit të Partizanit, Z. Elton Marini i deleguar nga presidenti i skuadrës së kuqe, Z. Gazmend Demi, për të hyrë në tratativa me klubin tonë dhe presidentin Besnik Kapllanaj për transferimin e Prekës.

Në parim marrëveshja ishte dakordësuar dhe sot transferimi falë përkujdesjes së klubit tonë dhe vetë presidentit Besnik Kapllanaj në bashkëpunim edhe me zyrtarët e klubit të kuq është zyrtarizuar. Duam të sqarojmë se grupe të ndryshme menaxheriale kanë tentuar të infiltrohen në këtë marrëveshje, por çdo gjë është arritur fal marrëveshjes midis dy klubeve. Deri më sot të gjjthë menaxherët kanë patur vetëm fjal dhe asgjë konkrete lidhur me lojtarin në fjal.

Nga sot, Marçelino Preka është zyrtarisht lojtar i Partizanit.FK BYLIS i uron suksese Marçelino Prekës, dhe pse jo eksperienca në një nga klubet e njohura dhe me histori në vendin tonë, t’i shërbejë që së shpejti ta shohim në një klub dhe kampionat të njohur jashtë vendit! Në të njejtën kohë i jemi mirënjohës ndërmjetësit Gëzim Hysaj, babai i kapitenit të kombëtares Elseid Hysaj, për ndihmën e dhënë në kohën që talenti Preka firmosi 2-vite më parë në klubin tonë.Suksese kampioni Marçelino Preka!