E fundit!

08:44 Kronika

Moti i keq në vend/ Humb jetën elektricisti

Moti i keq që përfshiu vendin mbrëmjen e së martës ka lënë...

ZYRTARE/ Klubi i Superiores me president të ri, prezantohet edhe trajneri

7 Korrik 2025, 14:40, Sport CNA

Teuta ka nisur një fazë të re pas largimit të Edmond Hasanbelliut, duke emëruar Fatos Troplinin si president të ri të klubit. Prezantimi u bë zyrtarisht më 7 korrik në stadiumin “Niko Dovana”.

Në stol është zgjedhur trajneri Enkeleid Dobi, i njohur nga eksperiencat e mëparshme në futbollin shqiptar.

Në postin e drejtorit sportiv është rikthyer Renato Arapi, ish-lojtar dhe ish-trajner i Teutës. Riorganizimi i strukturave drejtuese pritet të sjellë një frymë të re në klub.

Objektivi është rikthimi i Teutës në majën e futbollit shqiptar, përmes një projekti afatgjatë. Gjatë ditëve në vijim priten afrime të reja në skuadër, që do të forcojnë organikën e ekipit.

POSTIMI I KLUBIT:

KF Teuta prezanton presidentin dhe stafin e ri administrativ.
Durrës, 7 Korrik 2025 – KF Teuta ka hyrë në një etapë të re zhvillimi, duke prezantuar sot zyrtarisht presidentin dhe stafin e ri administrativ në një konferencë për shtyp të mbajtur në ambientet e stadiumit “Niko Dovana”. Ky riorganizim shënon një hap të rëndësishëm drejt një vizioni të ri për klubin durrsak.
Në qendër të këtij ndryshimi qëndron emërimi i z. Fatos Troplini si President i ri i KF Teutës. Me përvojën dhe angazhimin e tij, z. Troplini synon të rikthejë lavdinë e dikurshme të klubit dhe ta udhëheqë drejt një faze të re suksesi.
Në aspektin sportiv, Enkeleid Dobi është emëruar si strategu i ri i ekipit, duke marrë përgjegjësinë për ndërtimin e një skuadre konkurruese dhe me identitet të qartë. Dobi sjell me vete një eksperiencë të pasur dhe një vizion modern për drejtimin e ekipit.
Po ashtu, një figurë e njohur për të gjithë tifozët durrsakë, Renato Arapi, rikthehet në klub, kësaj here në rolin e Drejtorit Sportiv. Ish-kapiteni dhe lojtari emblemë i Teutës do të kontribuojë me profesionalizëm dhe njohuri të thella për strukturimin dhe zhvillimin e sektorit sportiv.
KF Teuta i uron suksese stafit të ri në detyrat e tyre dhe siguron të gjithë tifozët se do të punohet me përkushtim dhe seriozitet për të rikthyer klubin në majat e futbollit shqiptar aty ku e ka vendin, falë historisë dhe traditës së tij të lavdishme.