web counter
LEXO PA REKLAMA!

SHKARKO APP

App Store
Google Play

E fundit!

x

Zhgënjen Shqipëria, “kuqezinjtë” mposhten nga Ukraina dhe bien në Ligën C

19 Nëntor 2024, 22:37, Sport CNA

Zhgënjen Shqipëria, “kuqezinjtë” mposhten nga Ukraina

Shqipëria “humbet busullën” përballë Ukrainës.

Kombëtarja shqiptare e futbollit mposhtet me rezultatin 1-2 në Arenën Kombëtare dhe bie në Ligën C të Ligës së Kombeve.

Skuadra e Sylvinho-s zhvilloi një pjesë të parë shumë të dobët ndaj ukrainasve, ndërsa u gjend në disavantazh që në minutën e pestë.

Zinchenko ia doli që të zhbllokojë sfidën dhe të kalojë miqtë në avantazh, me një goditje në zemër të mbrojtjes shqiptare.

Pa e marrë veten mirë nga goli i parë, Shqipëria pësoi edhe të dytin, me Yaremchuk që e dërgoi topin në rrjetë me një goditje me kokë në minutën e 10’. 

Në vijim, Ukraina u shfaq sërish kërkuese, duke rrezikuar portën e Strakoshës në disa raste në fraksionin e parë.

Në nisje të pjesës së dytë, trajneri i Shqipërisë, Sylvinho bëri dy ndryshime, me Jasir Asanin dhe Mirlind Dakun që u ulën në stol, duke u lënë vendet e tyre Nedim Bajramit dhe Myrto Uzuni.

Teksa Ernest Muçi shfaqi shqetësime dhe u zëvendësua nga Arbër Hoxha në minutën e 52’.

Shqipëria u shfaq shumë herë më kërkuese dhe agresive në fraksionin mbyllës.

Myrto Uzuni fitoi penallti pas një kontakti me Trubin, me goditjen nga pika e bardhë e penalltisë që u ekzekutua më së miri nga Bajrami në minutën e 75’, i cili shënoi për “kuqezinjtë”.

Shqipëria vazhdoi me sulmet, megjithatë në fund kjo ndeshje u mbyll me rezultatin 1-2.

Kështu Shqipëria zhgënjen në këtë edicion të Ligës së Kombeve, duke u renditur në vend të fundit të Grupit B1 me shtatë pikë dhe kështu bie në Ligën C./CNA





Lajmet e fundit nga