web counter
LEXO PA REKLAMA!

SHKARKO APP

App Store
Google Play

VIDEO/ Humbi finalen, Ronaldo qan si fëmijë

1 Qershor 2024, 10:27, Sport CNA

VIDEO/ Humbi finalen, Ronaldo qan si fëmijë

Si rrallëherë, Cristiano Ronaldo mbylli një sezon pa asnjë trofe të fituar. Al Nassr përfundoi një edicion futbollistik zhgënjyes në Arabinë Saudite, pasi dështoi në një tjetër finale. Skuadra që ka në përbërjen e saj Ronaldon, u mposht pas penalltive nga Al Hilal në finalen e Kupës.

Koha e rregullt u mbyll në barazim 1-1, ndërsa nuk kishte fitues as në 30 minutat e shtesës. Mitroviç zhbllokoi ndeshjen në minutën e 7-të, për t’i dhënë avantazhin Al Hilalit, ndërsa pak minuta para fundit, Yahya barazoi shifrat.

Tensioni në këtë finale ishte i madh, teksa u dhanë tre kartonë të kuq. Për Al Hilalin u ndëshkuan Kalidu Kulibali dhe Bulai, ndërsa tek Al Nassr, u përjashtua portieri Ospina.  

Gjatë ekzekutimit të penalltive, tek Al Hilali, ishin më të saktë, duke shënuar pesë herë në shtatë gjuajtje. Në krahun tjetër, Ronaldo u tregua i saktë, por gabuan tre shokë të tjerë të skuadrës.

Në fund, festa ishte te skuadra e Jorge Jesus, që mbyll një sezon spektakolar, me të gjithë trofetë të fituar.

Pas humbjes me penallti, Ronaldo shpërtheu në lot, duke u shfaqur i zhgënjyer për mbylljen e një sezoni të dështuar në planin ekipor.

Megjithëse në karrierën e tij, 39-vjeçari ka fituar trofe të panumërt, mbyllja e një sezoni të dështuar, ka ndikuar shumë te sulmuesi, që nuk i mbante dot lotët.

Në planin personal, Ronaldo shkëlqeu, duke fituar "Këpucën e Artë" me 35 gola të shënuar në Superligën Arabe, në 31 ndeshje të zhvilluara.





Lajmet e fundit nga