VIDEO/ Vendos goli Hoxhajt në pjesën e parë, Vllaznia në avantazh ndaj Partizanit

7 Tetor 2022, 18:35, Sport CNA

VIDEO/ Vendos goli Hoxhajt në pjesën e parë, Vllaznia në

Është mbyllur pjesa e parë, në sfidën mes Vllaznisë dhe Partizanit, e vlefshme për javën e 7-të në Abissnet Superiore.

Pas 45 minutave të para, shkodranët janë në avantazhin e një goli. Vendos goli i shënuar nga Ardit Hoxhaj në minutën e 38-të.

Sulmuesi shfrytëzoi në mënyrë të shkëlqyer një krosim nga e majta, duke gjuajtur me kokë, për ta ndalur topin në fundin e rrjetës.

Ishte një pjesë e parë më raste nga të dyja ekipet, ku edhe Partizani iu afrua golit, por pa sukses.

HT VLLAZNIA-PARTIZANI 1-0

Hoxhaj 38'

KOMENTI LIVE:

45’ Jepen 2 minuta shtesë.

44’ Da Silva nga e djathta e sulmit harkon në shtyllën e dytë për Hotin por gjuajtja e këtij të fundit me kokë kontrollohet nga Zogoviç.

38’ GOOOL VLLAZNIA! Pas një goditje nga këndi, Hoxhaj me kokë gjuan dhe mposht Rexhepin i cili vetëm devijon pak sferën e cila përfundon në rrjetë.

37’ Predhë e Jonuzit nga brenda zonës, Rexhepi devijon në këndore duke shpëtuar ekipin e tij.

35’ Tentativë e Jonuzit nga jashtë zonës me një gjuajtje me harkim por sfera përfundon jashtë katërkëndorit të Rexhepit.

33’ Rexhepi vendimtar shmang autogolin e Sotës pas harkimit të Hoxhajt nga e majta. Më pas është Buxhelaj i cili bllokon gjuajtjen e Kaina dhe largon sferën nga zona e Partizanit.

29’ Da Silva provon të gjejë golin me një goditje dënimi në kufijtë e zonës, sfera kalon lart mbi traversë.

27’ Juriç gabon në largimin e topit dhe ia dhuron Da Silvas. Ky i fundit gjuan por Bulatoviç me një ndërhyrje vendimtare e dërgon sferën në këndore.

23’ Skuka nga e djathta harkon në qendër për Da Silva, Zogoviç del dhe kontrollon sferën.

22’ Skuka provon me një gjuajtje të befasishme nga jashtë zonës, goditja është qendrore dhe përfundon në duart e Zogoviç

21’ Pas zhvillimit të një goditje dënimi, Hoti harkon në zonë ku Sota provon me kokë por është shumë larg për të shqetësuar Zogoviç.

17’ Vllaznia i afrohet golit të parë. Marku ekzekuton nga e djathta një goditje dënimi me një gjuajtje direkte me të majtën e tij drejt katërkëndorit, por sfera ndalet në traversë.

13’ Përgjigjet Skuka nga krahu tjetër, por tentativa e tij është krejtësisht e gabuar dhe nuk gjen portën e vendasve.

13’ Smajli lëshon një gjuajtje të fortë nga e majta, topi përfundon jashtë, jo shumë larg shtyllës së portës së Rexhepit.

8’ Insiston më shumë Vllaznia në këto minuta të para duke mbajtur lojën në gjysmëfushën e të kuqve.

3’ Harkim nga e djathta për Kainan i cili gjuan menjëherë por gjen përgjigjen e Bitrit i cili largon sferën.

1’ Nis dueli me shkelmimin nga qendra të shkodranëve.

1’ Sfida në Shkodër paraprihet nga minuta e heshtjes për ndarjen nga jeta të Sulejman Maliqatit.