E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Valduci sulmon Fundon/ Më ka vendosur censurë

3 Mars 2026, 19:44, Sport CNA

Adriano Valduci, anëtari i bordit drejtues të Skënderbeut dhe njeriu që dha skemat për kualifikimin e Kombëtares, e cila pretendon të hyjë në Botëror, ka sjellë sot një reagim të gjatë në CNA, duke sulmuar gazetarin dhe aksionerin e vetëm, Z. Elvi Fundo.

CNA për të treguar se është media pa censurë dhe Valduc nuk mund ta bëjë këtë, duke na akuzuar, po e botojmë të plotë përgjigjen.

Ai thotë se censura i është vendosur në CNA nga Elvi Fundo, pasi ka 2-3 raste që ai do të dalë të flasë, por Fundo ka bllokuar qëndrimet e ashpra që ka pasur Valduci ndaj Armand Dukës dhe ekskluzivisht pas takimit të tij me biznesmenin Samir Mane, i cili sipas tij nuk e di as sa lojtarë ka në fushë.

“Unë kam dashur të flas”, tha Valduci. “Kam pasur një qëndrim të ashpër, por më ka vendosur censurë Fundo. Ai nuk ka lejuar që unë të mbaj një qëndrim, ndaj Dukës, ndaj takimit të tij me Samir Manen, ku presidenti i FSHF-së, gaboi, sepse ftoi një biznesmen, që nuk e di sa futbollistë ka në fushë dhe mua që kam çuar Kombëtaren ku e ku, nuk më ka ftuar kurrë në takim.

Sapo u zgjodh në krye të FSHF-së, mua më braktisi. Tani është momenti që Duka të flasë, sepse duhet të kërkojmë përjashtimin e Iranit nga Botërorit, me këto që po ndodhin në Lindjen e Mesme, por Duka hesht. Unë kam dashur të flas, por më është vendosur censurë”, ky ka qenë deklarimi i Valducit.

Ne i përgjigjemi me një fjali. Valduc, ty nuk të njihnin as komshinjtë e fshatit tënd. Jemi ne ata që kemi publikuar materialet, sa herë ti ke ngritur zërin. Edhe ku ke qenë kritik ndaj mediave, ndaj Frangajt, ndaj Top Channel, ndaj Irfan Hysenbelliut,. Ylli Ndroqit dhe të tjerëve. Ne kemi qenë ata që të kemi reklamuar skemat dhe përplasjet e ashpra që ke pasur dhe suksesin tënd. Dikur merreshe me pastruesin dhe rojet e stadiumit Skënderbeu. Tani je kthyer në një personazh që e njeh FIFA, e njeh UEFA, e njeh Infantino, i cili ka pasur edhe udhëtime në çartera në Shqipëri, ku është diskutuar edhe për ty Valduc. Ne po e publikojmë të plotë materialin, për të treguar se ndaj teje nuk do të ketë kurrë censurë.