web counter
LEXO PA REKLAMA!

SHKARKO APP

App Store
Google Play

Sulmuesi nuk pranon rinovimin, Liverpool i “rrëmben” një talent Chelsea-t

23 Shkurt 2023, 16:19, Sport CNA

Mason Mount është kthyer në një çështje te Chelsea, për shkak të kontratës së tij e cila përfundon në verën e vitit 2024. Anglezi ende nuk ka vendosur sa i përket së ardhmes dhe deri më tani palët nuk kanë gjetur gjuhën e përbashkët për rinovimin e kontratës.

Ndërkohë sipas raportimeve të fundit të mediave britanike, drejtuesit e “Bluve të Londrës” kanë vendosur për ta nxjerrë në merkato mesfushorin në rast se nuk do të gjejnë gjuhën e përbashkët për rinovimin e kontratës. Mason Mount në verë do të shitet për të gjeneruar të ardhura, pasi në rast të kundërt Chelsea rrezikon ta humbasë me parametra zero.

Alternativat nuk mungojë për sulmuesin dhe ai pritet të mos largohet nga Premier League. Liverpool është klubi më i kuotuar për të marrë shërbimet e 24- vjeçarit. “Të kuqtë” po zhvillojnë një sezon me ulje dhe ngritje, ndërsa në merkaton e verës do të synojnë disa transferime për të përforcuar skuadrën, për t’u rikthyer përsëri konkurrues.

Vlera e mesfushorit në treg llogaritet afro 70 milionë euro, por Liverpool dhe klubet e interesuara mund të përfitojnë për ta transferuar me një shifër më të ulët për shkak të kontratës e cila përfundon në vitin 2024.

Mount po luan sezonin e katërt te Chelsea, teksa këtë sezon numëron 22 paraqitje në Premier League. Në total 24-vjeçari, numëron 190 ndeshje dhe 33 gola në të gjitha kompeticionet me “Blutë e Londrës”.





Lajmet e fundit nga