web counter
LEXO PA REKLAMA!

SHKARKO APP

App Store
Google Play

E fundit!

x

Tri ndeshje dhe tre trajnerë të ndryshëm, sezon i çuditshëm për Kante

6 Prill 2023, 09:14, Sport CNA

Tri ndeshje dhe tre trajnerë të ndryshëm, sezon i

Pas një kohë të gjatë, N’Golo Kante u rikthye në fushën e lojës si titullar për Chelsea-n. Mesfushori francez hodhi pas krahëve dëmtimin e rëndë dhe në "Stamford Bridge" tregoi versionin e tij më të mirë.

Pas sfidës, Kante së bashku me Fofanan u vlersuan si dy lojtarët më të mirë. Francezi udhëhoqi skuadrën si kapiten përballë “të kuqve” dhe solli një dimension të ri në lojën e “Bluve" të Londrës që mungonte prej një kohe të gjatë.

Rikthimi i tij vjen në momentin e duhur për Chelsea-n, pasi Kante do të jetë një “armë” plus në dy sfidat vendimtare në çerekfinalet e Champions League përballë Realit të Madridit. Francezi do të ketë një punë të vështirë kundër lojtarëve si Luka Modric, Toni Kross dhe Eduardo Camavinga.

Megjithatë, shqetësimi më i madh në lidhje me Kanten mbetet kontrata e tij që skadon në fundin e sezonit. Bisedimet mes agjentit të lojtarit dhe drejtuesve të klubit kanë nisur prej kohësh, por “gjuha e përbashkët” ende nuk është gjetur, kjo edhe për situatën ku ndodhet klubi.

Këtë sezon, Kante ka regjistuar edhe një statistikë të çuditshme, pasi tri ndeshjet e fundit të tij në shtëpi me Chelsea-n kanë qenë nën drejtimin e tre trajnerëve të ndryshëm.

E para në derbin e Londrës përballë Tottenham, ku në krye ishte Thomas Tuchel, më pas me Aston Villa-n nën drejtimin e Graham Potter dhe e fundit në sfidën me Liverpool, Chelsea-n e drejtoi Bruno Saltor.





Lajmet e fundit nga