E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

Transferimi i Mesit tek Inter Majami, Bekham: U zgjova me 1 milion mesazhe

4 Korrik 2023, 11:36, Sport CNA

Ka qenë pronari i parë i Inter Majamit, Horge Mas, ai që ka zyrtarizuar Lionel Mesin si lojtarin më të ri të klubit të ligës profesioniste amerikane “MLS”.

Deklaratës së tij, jo më larg se dje, i është bashkuar edhe ajo e bashkëpronarit të klubit amerikan, Devid Bekham, i cili me siguri ka pasur një rol kyç në bindjen e argjentinasit për të refuzuar milionat saudite dhe Barcelonën dhe kaluar në SHBA.

“Një ditë pasi Mesi kishte firmosur me Inter Majamin ende nuk isha në dije se çfarë kishte ndodhur saktësisht. U zgjova dhe pashë gati 1 milion mesazhe në telefonin tim… Mendoja me vete se çfarë dreqin kishte ndodhur. Më pas gjithçka u qartësua”, ka deklaruar Bekham në intervistën e tij të dhënë për “Daily Mail”.

Gjithsesi, Bekham nuk është shfaqur i habitur me faktin se Mesi refuzoi milionat e panumërta nga Arabia Saudite për të përfunduar në kampionatin amerikan.

“Të them të drejtën nuk është se jam çuditur shumë nga fakti që Mesi zgjodhi SHBA-në dhe Inter Majamin. Që ditën e parë që jam bërë pronar i këtij klubi e kam deklaruar se do të dëshiroja dhe do të përpiqesha të sillja tek Inter Majami lojtarët më të mirë. Gjithnjë jam munduar ta përmbush këtë premtim që u kam bërë tifozëve tanë”, ka deklaruar ish-mesfushori i kombëtares angleze.

JUNAJTIDI – Në intervistën e tij, dhënë për të përditshmen angleze, Bekham ka folur edhe për ish-skuadrën e tij, Mançester Junajtidi. Ai ka zbuluar një fakt interesant, teksa ka pranuar se nuk ka parë një ndeshje të “djajve të kuq”, që prej të paktën 3 vitesh.

“Kur nisa karrierën time te Mançester Junajtidi, gjithnjë mendoja se do ta mbyllja në këtë klub, nuk do të luaja për asnjë skuadër tjetër. Në realitet nuk ndodhi kështu. Në vitin 2003 u largova për te Reali i Madridit dhe në tri vitet e para pasi isha larguar nga Junajtidi nuk kam parë asnjë ndeshje të tyre. Ishte një ndjesi e veçantë për mua të shihja Junajtidin e të mos kisha mundësinë të luaja për ta”, tha Bekham.