web counter
LEXO PA REKLAMA!

SHKARKO APP

App Store
Google Play

E fundit!

x

Trajneri i Sevillas përze nga ekipi Adnan Januzajn

30 Dhjetor 2022, 21:37, Sport CNA

Trajneri i Sevillas përze nga ekipi Adnan Januzajn

Adnan Januzaj u largua nga Real Socidadi për të hedhur një hap më të rëndësishëm në karrierën e tij. Por lojtarit shqiptar nuk po i ecin gjërat sipas planit.

27-vjeçari u transferua në radhët e Sevijës, ku minutat i ka pasur me pikatore. Në media është përfolur edhe për një largim të tijin nga kjo skuadër.

Sa i përket kësaj çështjeje, trajneri i Sevijës ka thyer heshtjen në konferencën për shtyp përpara ndeshjes me Selta Vigon.

Sampaoli e ka bërë të qartë për gazetarët se Januzaj nuk është përshtatur ende me stilin e tij të lojës dhe për këtë arsye nuk do të ketë hapësira të mëdha për momentin.

“Sa i përket situatës së Januzajt, ai është një lojtar me një veçanti që e solli në klub, por ende nuk është përshtatur me stilin e lojës dhe kjo do të thotë se nuk ka një pjesëmarrje të madhe për momentin”, ka deklaruar Jorge Sampaoli.

Januzaj pritet të largohet në janar, ndërsa destinacioni i ri mbetet surprizë, por së fundmi është përfolur që e duan disa ekipe në Belgjikë.





Lajmet e fundit nga