E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Trajneri i Escaldes kërcënon Partizanin: Janë ekip i mirë, por kemi ardhur për fitore

31 Korrik 2023, 20:15, Sport CNA

Trajneri i Atletic Escaldes, Daniel Luke ka folur sot në konferencën për shtyp në prag të ndeshjes midis ekipit nga Andora dhe Partizanit. Ndeshja do të zvhillohet nesër në “Air Albania”.

Në këtë konferencë trajneri i kundërshtarëve të “Demave” tha:

“E vërteta është që nuk do të ndryshojmë shumë gjëra. Do të bëjmë diçka të ngjashme me atë që jemi mësuar të bëjmë. Besojmë te puna jonë, pa ndryshuar modelin dhe mënyrën e lojës. Erdhëm këtu që të fitojmë ndeshjen dhe me dëshirën që të dalim në fushë duke besuar te filozofia jonë. E kemi bërë në fushën tonë dhe e kemi bërë gjatë gjithë sezonit.

Partizani? Sinqerisht kur më kanë intervistuar javën e kaluar, kamë thënë që sipas meje janë një ekip i mirë, me shumë histori, me objektiva të lartë e me lojtarë me shumë cilësi. Por ne nuk kemi frikë dhe treguam se nuk ishte shumë superior në fushë. Por në aspektin fizik, në minutat e fundit mund të ishin më të fortë, por jemi rivalë të cilët në fushën e lojës mund të qëndrojmë në një nivel me ta, në mbrojtje e në sulm.

Ekipi ka rikuperuar pas ndeshjes, kam të gjithë lojtarët në dispozicion dhe kemi ardhur me ekipin me rendiment të plotë fizik.

Jam një trajner i cili kërkon që të bëjmë lojë ku të mbajmë topin. E kemi bërë në fushën tonë. Jemi munduar të bëjmë edhe në ndeshjen e parë. Kemi studiuar ndeshjen në Andorra dhe kemi ide më shumë.

Ne kemi këto lojtarë jemi bashkë prej 3 javësh. Një grup i ri pas largimeve pas Champions, por kemi punuar shumë për ndeshjen e parë. Pas ndeshjes së parë jemi shumë të lumtur me 1-0, ishim pa fat te episodi me portierin, por jemi të lumtur me eksperiencën.

Lojtarët më të rrezikshëm? Kristian Mba është një sulmues shumë i mirë. Nuk e lejoi ekipin tonë të dilte para. Edhe Mensah që është operuar dhe i urojmë shërim të shpejtë, është një lojtar i mirë. Dsa Silva është një nga lojtarët që është i rëndësishëm për ta”, është shprehur tekniku në konferencën për shtyp.