web counter
LEXO PA REKLAMA!

SHKARKO APP

App Store
Google Play

E fundit!

x

Trajneri i Benfikës nuk i zë besë krizës së Interit

10 Prill 2023, 22:37, Sport CNA

Roxher Shmid, trajneri i Benfikës, përgatitet për një përballje shumë të ndezur ndaj Interit nesër në Ligën e Kampioneve. Tekniku i skuadrës gjermane, duke folur për “Sky Sport”, ka theksuar se nuk beson se zikaltrit janë në krizë, ose të paktën se nuk do të shfaqen në një situatë të tillë në çerekfinalet e Champions.

“Liga e Kampioneve është diçka ndryshe, nuk besoj se rezultatet negative në ndeshjet e fundit vlejnë për diçka në këtë aspekt.

Të jesh në çerekfinale është një situatë shumë më e veçantë për të dy skuadrat. Duhet të presim një rivale shumë të përqendruar që beson te vetvetja dhe në këtë aspekt nuk besoj se rezultatet e të kaluarës do të kenë impakt.

Ne besojmë gjithmonë te qasja dhe mënyra jonë e lojës. Pastaj është normale që ndonjëherë do të humbasësh, mund të ndodhë. Por në këtë sezon nuk ka ndodhur shpesh.

Inzagi? Luan një futboll fizik dhe ka shumë opsione, do të nevojitet Benfika më e mirë pasi Interi është në gjendje të shprehë një futboll të nivelit më të lartë. Interi është një skuadër që ka shumë eksperiencë, di të luajë si në mbrojtje, ashtu edhe në sulm. Zhao Mario? Është i vlefshëm për lojën dhe aftësitë taktike, për ne është një lojtar kyç”, tha trajneri i Benfikës.





Lajmet e fundit nga