web counter
LEXO PA REKLAMA!

SHKARKO APP

App Store
Google Play

E fundit!

x

Tirana nuk e ka mendjen vetëm në kampionat dhe Kupë, drejtuesit nisin punën nga porta

28 Shkurt 2023, 13:08, Sport CNA

Tirana këtë sezon kërkon të fitojë për të dytin vit radhazi titullin kampion, ndërsa anash nuk mbetet as Kupa e Shqipërisë. Por përveç kampionatit dhe Kupës, tashmë duket se drejtuesit kanë kthyer vëmendjen në një tjetër drejtim. E gjithë kjo ka të bëjë me rinovimet me lojtarët që konsiderohen pika kyçe për skuadrën.

Sipas shtypit të shkruar, Visar Bekaj pritet të qëndrojë të paktën edhe për një sezon bardheblu. Raportohet se klubi kryeqytetas dhe gardiani i portës kanë arritur marrëveshjen mes tyre për zgjatjen e bashkëpunimit. Kontrata aktuale e 25-vjeçarit përfundon në fund të këtij sezoni, por duket se Bekaj do të mbetet te kampionët.

Akoma nuk ka asgjë të konfirmuar nga palët, por kujtojmë se Bekaj ka 3 sezone në Tiranë. Këtë sezon ka luajtur në 23 takime duke marrë 2070 minuta. 25-vjeçari është një “hallkë” e rëndësishme në formacionin e Orges Shehit dhe si i tillë pritet të jetë edhe në sezonin e ardhshëm.

Ndërkohë, të njëjtën gjë po synojnë drejtuesit edhe për Behiratcen, Aleksin dhe Toshevskin, të cilët dalin lojtarë të lirë në qershor.





Lajmet e fundit nga