web counter
LEXO PA REKLAMA!

SHKARKO APP

App Store
Google Play

Tha se i duhet thyer këmba, Leao replikon me gazetarin: Faj ka kush të lë të flasësh

28 Prill 2023, 19:51, Sport CNA

Kryeredaktori i “Sportitalia”-s, Mikele Krishitielo, ka regjistruar një tjetër gafë për karrierën e tij. Duke analizuar paraqitjet e fundi të Leaos dhe golat spektakolarë duke mbjellë kundërshtarë nëpër fushë, ai ka sugjeruar një mënyrë për të ndalur portugezin.

“Nuk kam luajtur futboll, por deri tani mbrojtësit duhet të kenë kuptuar se si është Leao. Sapo të largohet, bëni një faull, merrni një të verdhë, një të kuqe, një portokalli, por thyejini këmbët”.

Sigurisht jo një ftesë për të lënduar Leaon, por një reflektim i tepruar, duke përdorur një shembull dhe një term që ka nxitur protesta dhe keqkuptime. Një frazë që la në hije edhe komplimentet që vetë Krishitielo i bëri portugezit duke e quajtur “fenomen”.

Kjo sigurisht nuk ishte ajo që ai donte të thoshte. Vetë Krishitielo postoi një sqarim në rrjetet sociale në të cilin shpjegoi se fjalimi i tij ishte vetëm një “shkundje” me tone sensacionale, por pas këtij reflektimi nuk kishte asnjë qëllim të dhunshëm.

“Vërtet nuk e kuptoni domethënien e fjalëve të mia? Leao ndalon vetëm duke i ‘thyer këmbët’! Sepse është një fenomen. E kuptoj që në epokën e rrjeteve sociale dhe faqeve të bëra nga kalamaj, çdo gjë ia vlen, por përpiquni të kapni thelbin”, shkruante kryeredaktori i “Sportitalia”, që për më tepër është thjesht tifoz i Udinezes dhe Avelinos, e nuk ka konflikte interesi me ecurinë e Serisë A në majat e larta. Leao nuk e ka marrë aspak mirë, pavarësisht sqarimit të gazetarit. Jehona mediatike arriti te lojtari i Milanit, i cili ndërhyri në fund të një mesazhi të shpërndarë nga një llogari e tifozëve të klubit duke thënë: “Problemi nuk është kush i thotë këto fjalë, por kush e lejon t’i thotë…”.





Lajmet e fundit nga